Pêvînayîşê heyetê Rojavayê Kurdîstanî yê Munîhî sey berzbîyayîşê daraxê meşrûyetê kurdan ê warê mîyanneteweyî de û meseleyêka stratejîk a girêdayeyê ameyoxê şerê Sûrîye, mîmarîya emnîyetî û hemsengîya hêzanê herêmkîyan ame nirxnayene.
Amerîka: Reuters pêvînayîşî mîmarîya emnîyetê mîyanneteweyî de sey pêşkewtişê rolê hêzanê kurdan nirxna û sey “têkilîyê dîplomatîkê krîtîkî ke ameyoxê hemkarîya hemverê DAÎŞî de dîyar kenê” pênase kerd. Associated Press zî pêvînayîşê Ebdî û Ehmedî yê berpirsanê Ewropa û Amerîka reyde sey munaqeşayê “rêxistina emnîyetî ya Rojava û rewşa girewteyanê DAÎŞî” ser o pênase kerd.
Ewropa: The Guardian bale ante serê “munaqeşayanê ameyoxê Sûrîye de zêdebîyayîşê asayîşê aktoranê kurdan.” Analizanê Reutersî de ame vatene ke “prosesê entegrasyonî yê mabênê HSD û Şamî de kurdî ardî warê dîplomasîya mîyanneteweyîye.” Pêvînayîşê Serekê Komarê Fransa Macronî û berpirsanê Almanya reyde seba cigêrayîşê çareserîya sîyasîye ya Sûrîye ameyî kerdene.
Rûsya: RIA Novostî û TASSî zêdeyêr bi ziwanêko jeopolîtîk pêdîyayîşî nirxnayî û vat ke “nê pêvîyayîşan ra Sûrîye de cayê kurdan ê prosesê neweyî yê platformanê mîyanneteweyîyan de yeno munaqeşakerdene.”
Erebî: Al Arabîya pêdîyayîşî sey “mabênê Amerîka, Sûrîye û HSD’yî de nimûneyê dîplomasîya berze ke kêmî yeno dîyene” pênase kerd. Al Jazeera “pêvînayîşê emnîyetî yê zafhetî ke tede prosesê badê şerê Sûrîye yeno munaqeşakerdene” vat. Shafaq News zî vat ke “munaqeşayê beşdarbîyayîşî yê HSD’yî yê dezgehkîya dewlete de ser o game bi game dewam kenê.”
