Atolyeya Bazarê Keda Cinî ke amebî organîzekerdiş, parkê 75. yê Şaredarîya Peyasî de bi nameyê ‘Qîrayîşo Bêveng’ sey Nawitgeyê Resiman û Peykeran vejîya vernîya heskerdoxanê xo.
Atolyeya ke bi serkêşîya resam Rûken Ekîncî ame organîzekerdiş, cinîyan bi viraştişê berardişê hunerî yê malzemeyê eştişî bale ant muhîmîya vurnayîşî ser o. Bi viraştişê xeylê fîgur, peyker û tabloyan ke yew sembolê bi hêz yê têgêrayîşê Cinîyan Sema Yuce, Serekê Baroyê Amedî yê verê Tahir Elçî û xeylê berardeyanê bînan ameyî mojnayîş, hêzê cinîyan û vurnayîşî mojna. Nawitgeh hetê Mudirîya Polîtîkaya Cinîyan ra ame organîzekerdiş û bi beşdarîya xeylê cinîyan ame mojnayîş.
Nawitgeyo ke Parkê 75. de abî, Hemşaredara Peyasî Bêrîvan Gulşen Sîncar, Hetkarê Hemşaredaran û Meclîsê Cinîyan amade bî û hunermend Rûken Ekîncî reyde serê berardeyê aye de sohbet kerd.
Hemşaredare Bêrîvan Sîncar, kesî ke aye reyde bîyê, peyker, fîgur û tabloyan ser o qisey kerd, pîrozbayîyê xo hunermenda cinî Rûken Ekîncî rê îfade kerdî û serkewtişê daîmî ci rê waştî. Nawitgeh do ewro zî akerde bo.
