Hemserekîya PJAK’î gîrêdayê hêrîşanê verva protestoyê aktîvîstan nê çîyî ardî zîwan: “Ma hîrabîyena îtîrazê demokratîk û paştîdayîşê heme hetan kenê ke seba şarê Kirmaşan, Îlam, Luristan, Hemedan û Bextiyarîyê ke werişte payan ser, hetê heme herêmanê Kurdistanî rê zaf muhîm vînenê. Şehîdê Melîkşahî îspat kerd ke ewro Îlam û Kirmaşan çimeyê vejîjayîşê Kurdistanî û rayberê azadî û demokrasîyê Îranî yê. Ê şehîdê şorişê rastîye yê şaranê Zagrosî yê.”
Hemserekîya partîya Cuya Azade yê Kurdistanî (PJAK) giredayê hêrîşanê rejîmê Îranî verva aktîvîstanê yê ke Îran û Rojhelatê Kurdistanî de eşkerayîyekî nuştekî da.
Eşkerayîya Hemserekîya PJAK’î wina ya:
“Pêlê îtîrazê şarî seranserê Îran û Rojhelatê Kurdistanî roje bi roje hîra beno. Îlam û Kirmaşan dewamê şorişê ‘Cinî, Cuye, Azadîye’ de rayberê Kurdistanîyê û nika zî mil bi mile Hemedan, Luristan û Bextiyarîyê, reyna zî Zagros bîyo sembolê xoverdayîşê verva zulmî û dîktatorîye. Ma qerardarîya îradeyê şarê xo yê nê cayan selam kenê.
Hukmetê dewleta Îranî sey verî, cewabê nerazîbîyayîş û serewedartîşê şarî bi teda û guleyan dano. Nê çerçeweyî de hêzanê zordarî yê dewleta Îslamî şaristanê kûdeşt, Ezna, Delfan, Lordegan û Hersinî dest bi kiştişê serewedaritan kerd û ewro zî bi kerdena ke wehşîyane dest bi komkiştişê şarê melîkşahî yê şaristanê îlamî yê ke weriştbî payan ser, kerd.
Ma partîya Cuya Azade yê kurdistanî (PJAK), nê hêrişanê verva merdimîyê û wehşîyanê protesto kenê. Ma hîrabiyayîşê îtîrazanê demokratîk û paştîdayîşê înan heme heti ro kenê, seba şarê Kirmaşan, Îlam, Luristan, Hemedan û Bextiyarîyê yê ke weriştê payan ser, Hetê heme herêmanê Kurdistanî rê zaf muhîm vînenê. Şehîdanê Melîkşahî îspat kerd ke ewro Îlam û Kirmaşan çimeyê vejîyayîşê Kurdistanî û rayberê azadî û demokrasîyê Îranî yê. Ê şehîdê şorişê rastîye yê şarê Zagrosî yê.
Hemverê nê kiştişanê hukmatî, bê şik ma heqê xopawîtene sey heqêko meşrû yê şarê xo vînenê. Ma bawer kenê ke xopawîtene bi hawayêko birexistin ganî bicabêro ke bedelê giranî yê merdimîye komelê ma rê xo reyde nîyaro. Eynê wextî de ganî ma hişyarî bê ke çîyê çerçeweyê xopawîtene de yenê kerdene. Ê yê ke hîvîyê firsendê lîminanê hete înan ra nêro îstîsmarkerdene. Seba ke ma zanê henî hêzê dimayê fîrsendîyê wazenê serewedartişo demokratîk yê şaran bi hawayêko sîyasî îstîsmar bikerê.
‘Sazgehê ewleyî û zordarî yê rejîmî herêmanê ke tede cîya cîya temsîlkarê komelî û eşîrî est ê, wazenê mabênê înan de seba amancanê xo yê lîminan dibendî virazê. Ma vengdayîşê şarê xo yê welatperwerî kenê ke bi yewîye û pêgîrewtene hemverê nê planan û sîyasetê lîminî yê hukmatî vînderê û înan puç vejê. Ma reyna zî vengdayîşê nê kesê ke hetê rejîmî yê ke wazenê tewrê cepheyê şarî bibê, fek neyartîya neteweyê xo ra verabidê û refena rejîmî ra ke ti ameyoxê ey çinî yo, terabibê.
Biciwîyo Serewedaritişo Demokratîk yê Rojhelatê Kurdistanî û Îranî, Cinî, Cuye Azadîyê”
