Şaristanê Silêmanî yê Başûrê Kurdîstanî de bi beşdarîya temsîlkaranê 24 rêxistin û dezgehanê cinîyan Platformê Yewîya Cinîyanê Kurdan ame ronayene.
7ê nîsane 2025î de şaristanê Silêmanî yê Başûrê Kurdîstanî de bi beşdarîya temsîlkaranê 24 rêxistin û dezgehanê cinîyan kombîyayîşêk amebî kerdene û Platformê Yewîya Cinîyanê Kurdan amebî ronayene. Encamnameyê kombîyayîşî ame eşkerakerdene.
Encamnameye de ame vatene ke seba cinîyanê kurdan yewîya neteweyî yena manaya azadîye û rûmetî. Encamnameye de wina ame vatene: “Kurdîstan binê îşxalî de yo û bedenê cinîyanê kurdan zî binê îşxalî de yo. Seba cinîyan çareserîya wedaritişê sebebanê şîdet û koletîye yewîya ma ya. Yewîya neteweyî seba ma têkoşînê azadîye yo.
Nê bingeyî ser o ma 7ê nîsane de kom bîyî û nîqaş kerd ke ma yewîya xo senî awan bikerê. Ma qerar da ke parçeyêkê Kurdîstanî ser o Festîvalê Cinîyanê Kurdan bikerê ke yewîya neteweyîye her warî de aver berê. Konferansê Yewîya Cinîyanê Kurdan organîze bikerê û Platformê Yewîya Cinîyanê Kurdan awan bikerê.
Ma sey Platformê Yewîya Cinîyanê Kurdan venga pêro cinîyan danê ke beşdarê ma bibê ke ma pîya yewîya neteweyî awan bikerê. Eke ma yewîya xo awan bikerê ma do Kurdîstan de azadî û statuyê cinîyanê azadan zî awan bikerê.
Ma venga pêro partî û rêxistinanê Kurdîstanî zî danê ke şima zî yew bibê û seba yewîye têbigêrê.”
Nê dezgeh, rêxistin û partîyî mîyanê platformî de cagênê:
Partîya Mordem û Azadîye (PIA)
Bûroyê El Wahdî
Komelgeya Cinîyanê Azadan ya Rojhelatê Kurdîstanî (KJAR)
Lîderê Aştî
Yewîya Niştîmanî ya Kurdîstanî (YNK)
Yewîya Cinîyanê Kurdîstanî
Rêxrawî Xuşkanî Îslamî Kurdîstan
Kongra Star
Tevgerê Cinîyanê Azadan (TJA)
Partîya Yewîya Demokratîke (PYD)
Komîsyonê Cinîyan yê KNK’yî
Tevgerê Goran
Partîya Têduştî û Demokrasîyî ya Şaran (DEM Partî)
Partîya Herêmanê Demokratîk (DBP)
Rêxirawî Jinanî Zexmetkêşanî Kurdistan
Hizbî Şûî
Hizbî Sosyalist
PDS
Tevgerê Cinîyanê Êzdîyan (TAJÊ)
Komela Afratanî Kurdîstanî
Tevgerê Cinîyanê Kurdan a Ewropayî (TJK-E)
Rêxirewî Peywendîyanê Cinîyanê Kurdan (REPAK)
Şepêla Ameyoxê Kurdîstanî
Partîya Yewîya Demokratîke ya Kurdanê Sûrîyeyî
