Zaf hûmarî de rojnamegar demê teqîpkerdişê xeberan de ameyê destbendkerdişî. Înan ra yew zî Hayrî Tunç bî, Tunç dîyar kerd ke polîs bi komplo seba ke înan çalakger nîşan bido, wêneyê înan anto.
Çalakîyê şermezarkerdişê cipersayîş, destbendkerdiş û hepskerdişê Şaredarîya Girde ya Îstanbulî Ekrem Îmamoglu de tewro kêm hezar û 879 kes ameyî destbendkerdiş û 260 zî ameyî hepskerdiş. Rojnamegerê ke çalakî teqîpkerdine Zeynep Kuray, Bulent Kiliç, Gokhan Kam, Hayri Tunç, Yasîn Akgul, Alî Onur Tosun û Kurtuluş Arî 24ê Adare de bi sereştişê keyeyan ameybî destbendkerdişî û peynî ameybî hepskerdişî. Rojnamegeran peynî ameyî serbestveradayîş û nê rojnamegeran ra yew zî Hayrî Tunç bî.
Hayrî Tunç aşkera kerd ke demo ke Şaxê TEM’î dîmen ameyî antiş, vatê; ‘Serê xo bitewînî’ la ê vatê ê sey rojnameger serê xo nêtewînenî.
Hayrî Tunç wina va: “Demê peynî de dozger raşteraşt şar erşaweno dadgehî la polîsêk ame va ke sewqkerdiş çîn o û peynîya girewtişê îfadeyî do şima heme bêrê serbestveradayîş la peynî dozger qerarê xo bedilna û ma heme heps kerdê. Xususî wêneyê rojnamegeran polîs ant. Wêneyê ke polîs anto, uca de qet sey ke destê ma de mîkrofon çîn o, çimkî armancê polîsî komplo bî. Ma çiqas va ke ma rojnamegerî dadger goş nêda ma.”
