Polîsan Amed de eşt bînaya Komela Edebîyatkeranê Kurdan ser o û zerar da xeylê kitab û rojnameyan.
Polîsanê qezaya Peyasî ya Amedî de eşt bînaya Komela Edebîyatkeranê Kurdan ser û zerar da xeylê kitab û rojnamegeran. Polîsan dest da ser 150 kitab û 500 hûmaranê rojnamegeran. Polîsan kilîdê berî zî vurna.
Hemserekê Komele Rêdûr Dîjleyî derheqê babete de vat: “Ma nêzanenê ke sereştiş çira ameyo kerdene. Wextê sereştişî de destê polîsan de lîsteya îdareyê komele û nameyê kesanê îdarekaran est bîyê. Polîsan vato ke derheqê embazêke de tehqîqat est o. La ma rê çîyêk nêame vatene. Ma nê sereştişî şermezar kenê.’”
