Serekwezîrê Polonya Donald Tusk ajansê PAP’yî de vengdayîşê welatijanê polonyayî kerd ke lezebaz Îran ra vejîyê.
Çîqas ke şino endîşeyê şerî yê Îranî zêde beno. Serekwezîrê Polonya Donald Tusk semedê zêdebîyayîşê talûkeyê şerî vengdayîşê welatijanê Polonya kerd û înan ra waşt ke Îran ra vejîyê û bi tu hewayî nê serdemî de nêşorê Îran. Semedê vengdayîşê vejîyayîşî yê winasî raya pêroyî yê dinya de fikarê qewmîyayîşê şerê mabênê Îran û Amerîkayî de zêde kenê
Donald Tusk eşkerayî serê Ajansê Xeberan ê Polonyayî (PAP) de pare kerde û wina vat: “Welatijê ma kerêmê xo ra wa Îran ra vejîyê û bi tu hewayî nêşorê Îran.” Donald Tusk vat ke ey nêwazenê fikarê şerî zêde bikerê la Îran de îhtîmalê şerî zêde yo.
‘Şer netîceyo negatîf vejeno vernî’
Serekwezîrê Polonyayî Tuskî da zanayene ke wexto winasî de rewşe baş nîya û kes nêwazeno berpirsiyarîya cuye bigîro serê xo. Sewbîna zî Tuskî waştişê vejîyayîşo bilez tekrar kerd û wina vat: “Verê cû îqazê ma cidî nêameyene girewtene û netîceyê nebaşî virazîyayê. Semedê naye ra ma wazenê na rey goreyê vengdayîşê ma welatijê ma wa bi berpirsîyarî têbigêrê û Îran ra lezabez vejîjê.”
