Programê Newroza Amedî ke siba yeno pîrozkerdene, dîyar bî. Program de wendişê mesajê Rayberê Şarê Kurdî Abdullah Ocalan, sîyasetmedarê ke do qisey bikerê û hunermendê ke do sehne bigîrê ameyê eşkerakerdene.
Programê pîrozbayîya Newroze yê Amedî do bi sloganê “Newroza Azadî û Yewîya Demokratîk” bêro viraştene, dîyar bî. Newroze do 21ê Adare de Parka Newroze de bêro pîrozkerdene. Saete 10:00 de do grûba kemençeyî sehne bigîro û pîrozbayî dest pê bikero.
Programê Newroza Amedî wina yo:
*Saetê di 10.00 de do grûba kemençeyî sehne bigîro.
*Komîteya Amadekar ê Newroze do vejîyo sehneyî ser û girseyî selam bikero. Badê rêzgirewtişî do komîteya amadekar û hemserekî roşanê Newroze pîroz bikerê û şarî selam bikerê.
*Dima ra do konserê Dîlan & Erkan Top dest pê bikero. Badê ra zî Têgêrayîşê Cinîyanê Azad (TJA) Ayla Akat do qisey bikera. Serekê Partîya Azadî Ayetullah Aştî serê nameyê Îttîfaqê partîyanê Kurdan ra qisey bikero.
*Hunermend Alend Hazim do sehne bigîro.
*Do vîdeo-sînevîzyon bêro mojnayene.
*Mesajê Rayberê Şarê Kurdî Abdullah Ocalan do bi kurdkî û tirkî hetê sîyasetmedaranê kurdî Veysî Aktaş û Medya Aslan (TJA) ra bêro wendene.
*Çetîn Arkaş û Tuncer Bakirhan do qisey bikerê.
*Agirê Jiyan do sehne bigîro.
*Leyla Zana do qisey bikera.
*Zinar Sozdar do sehne bigîro.
*Tewr peynî de zî mesajê sîyasetmedaran do bêrê wendene.
