Îran de protestyê ke rîyê krîzê ekonomîkî û erjvînkerdişê rîyalî ra ameyî destpêkerdene roja 8. de yê. Rêxistinanê heqanê merdiman da pêhesnayene ke tewr tay 17 kesî ameyî kiştene, 582 kesî zi ameyî destbendkerdene.
Îran û Rojhelatê Kurdistanî de protestoyanê ke rîyê krîzê ekonomîkî û erjvînkerdişê rîyalî ra 28ê kanûna 2025î de ameyî destpêkerdene, roja 8. de dewam kenê. Rêxistinanê heqanê merdiman da pêhesnayene ke tewr tay 17 kesî ameyî qetilkerdene, 582 kesî ameyî destbendkerdene. Ame vatene ke birîndarî tersê destbendkerdişî ra nêşinê nêweşxaneyan.
Protestoyan verî Sûka Qefilnayî ya Tahranî de dest pêkerd û wextê kilmî de xeylê bajaran ra vila bîyî. Sere de Kermanshah, Loristan, Hamedan, Fars, İlam, İsfahan û Chaharmahal-Bakhtiari xeylê bajaran de vera rejîmî protestîyî ameyî kerdene.
Ame vatene ke înanê ke dinyaya xo bedilnaye mîyanê înan de sey kurd, lor, yarsan, farsî bawerî û şaranê cîya cîyayan ra kesî tede ca genê. Zafê mergan bi hêrişê hêzanê asayîşî yê eşkera bi çeke hedefgirewtişê çalakwanan qewimîyayî
Rêxistinê heqan veng da îdareyê Îranî ke wa hêrişanê xurtan ê vera şarî vindarno, derheqê kesanê ke ameyî destbendkerdene zanayîşê zelalî bido û birîndarî bêastengkerdişî bieşkê xizmetê weşîye ra feyde bikerê.
