Vera komploya 9ê Citmenge xeylê şaristanan de prosto ameyî kerdene, protestoyan ame vatêne ke vera komplo ganî vengê azadîye bêrê berzkerdiş û “Azadîya Abdullah Ocalanî do biba gamêka tewr şênber.”
Platforma Dezgehanê Demokratîkan (DEKUP) yew serrgêra destpêkê komploya mîyanneteweyîya vera Rayberê Şarê Kurdî Abdullah Ocalanî ya 9ê Citmenge de, bi şîarê “Bi Rayberîya Azade ver bi komelê azade ra” xeylê şaristanan de çalakîyî organîze kerdî.
Metnê pêroyî yê ke çalakîyan de ameyî wendiş de ame vatêne ke 9ê Citmenga 1998î tenya yew komploya vera Rayberê Şarê Kurdî Abdullah Ocalan nêbî, miladê yew hêrişê hîrayî yê vera hêvîya aştî ya şarê kurdî û Rojhelatê Mîyanênî bî. Na komplo, yew operasyonê mîyanneteweyî bî ke vera îradeyê xoserî yê şarê kurdî û vera fikrê ke eşkeno serkêşîya demokratîkbîyayîşî yê Rojhelatê Mîyanênî bikero, ameybî plankerdiş.
Eşkerayîyan de ameyê vatene: “Çîke, fikr û paradîgmaya ke Birêz Ocalanî aver berd, perspektîfê çareserî yê ke vera nîzamê şer, îstîsmar û serdestîya ke şarî tede bîyê, şarî û bawerîyî yew ca de, bi hawayêkê yeksan û azad bieşkenê cuye, pêşkêş kerdene. Dewlet-mîlletê kapîtalîstî waştêne ke nê fikrî dest bide û îradeyê azad yê şaran bişiknî. La seba şertanê tecrîdê giranî yê ke 26 serrî yo Îmralî de dewam keno, bi têkoşînê û persfektîfê Birêz Ocalanî pûç vejîya. Şarê kurdî serran ra zêdêr o ke vera polîtîkayanê înkar û îmhayî de vîyarnenî. Fikrê ‘Kurdî çîn î’ bîbo îdeolojîya avakerdişî ya çar dewlet-mîlletan, her wazîyena heqî bi şîdetî ameya destberdiş. Vêjîyayîşê Birêz Ocalanî yê sehnaya tarîxî, mohrê ‘ma est î’ yê yew şarî yo ke vera nê zincîrî şikitişî bi.”
‘Vengê aştîye berz bikerê’
Dewamê eşkerayî de ame balantiş ke tecrîd tenya vera yew kesî nîyo, yew hêrişo vera hêvîya aştî ya şaran o û nê îfadeyî ameyî cî: “Coka, xoserîya fîzîkî ya Birêz Ocalanî, seba averşîyayîşê demokratîkî û ameyoxê pêroyîya şarê Tirkîya, cinîyan, ciwanan, karker û kedkaran pêk neameyaye yew zerurîyet a”
Çalakîyê şaristanan
DÊRSIM
Dêrsim de zî komplo, bi eşkerayîya ke Kuçeyê Hunerî de ameya kerdene, ame protestokerdiş. Xeylê sîyasetkar û temsilkarê dezgehan tewrê eşkerayî bîyî. Eşkera hetê Platforma Dezgehanê Demokratîkan ra Endama Komeleyanê Elewîyanê Demokratîkan (DAD) Hulya Bozkurt ame wendene. Wekîla Dêrsimî Ayten Kordu qisey kerd û bal ant ser komplo û qiseykerdişê xo bi şermezarkerdîşê komplo qedîna.
ÇEWLÎG
Çewlîg de zî Platforma Dezgehanê Demokratîkan, verê banê Rêxistinê DEM Partî de bi eşkerayî komploya 9ê Citmenge protesto kerd. Xeylê kesî bi tewrê xo kerd ke mîyanê înan de tewrîyê platformî estbî. Çalakî ke pankartê “Bi Rayberîya Azade ver bi Komelê Azade ra” ameyî akerdiş de, eşkerayîya pêroyî hetê Serekê DBP yê Çewlîgî Şevket Kalindamar ame wendiş.
XARPÊT
Xarpêt de zî Platforma Dezgehanê Demokratîkan, seba Komploya 9ê Citmenge, Garajê Xozatî de eşkerayî da. Eşkerayîya ke xeylê kesî tewrê xo kerdî de, pankartê “Bi Rayberîya Azade ver bi Komelê Azade ra” ame akerdiş. Metnê pêroyî hetê Saadet Yavuz ame wendiş.
AGIRÎ
Merkezê Agirî de, eşkerayîyê de, temsilkarê partîyanê sîyasî û rêxistinanê sîvîl yê qezayan zî tewrê xo kerd. Eşkerayîya çapemenî ya Platforma Dezgehanê Demokratîkan de, pankartê “Bi rêberîya azade ver bi komelê azade ra” ameyî akerdiş û dovîzê “Rewşa ma xurt o” û “Bijî berxwedana Îmraliyî” ameyî gureyîş. Wextê ke şarî waşt bi meş eşkerayîya çapemenî bikî, polîsan asteng kerd, mabênê polîs û şarî de nîqaş vejîyaç. Polîsan bira walîtîye mojnayî û waşt meşî asteng bikî. Şarî vera nîyadiş de bi sloganê “Zorî ma nêverdana”, “Bi têkoşîn ma do qezenc bikê”, “Bijî berxwedana Îmraliyî” cewab da. Badê zî metnê çapemenî hetê Serekê DBPî yê Agirî Sebih Kaya wend.
ERZIROM
Qezaya Qere Şîwan a Erziromî de zî Komploya Mîyanneteweyî ya 9ê Citmenge ame protestokerdiş. Eşkerayîya çapemenî ya ke bi serekîya Platforma Dezgehanê Demokratîkan ameya kerdene de xeylê kesî tewrê xo kerdî. Eşkerayîya ke pankartê “Bi Rayberîya Azade ver bi Komelê Azade ra” ameyî akerdiş de, metnê çapemenî hetê Serekê DBP’î yê Erziromî Ramazan Karakaş wend.
ÎDIR
Îgdir de zî vera komployî eşkerayîya çapemenî ameya kerdene. Eşkerayîya çapemenî ya ke Platforma Dezgehanê Demokratîkan kerd de, DBP, DEM Partî û rêxistinanê qezayanê Îdirî ra zêdêr xeylê kesî tewrê xo kerdî. Eşkerayîya çapemenî ya verê banê DEM Partî de, komplo ameya şermezarkerdene û vengdayîşê Komelê Demokratîkî û Aştî ame qirayîşî.
EDENE
Edene de zî metnê eşkerayî ya Meydanê Beşocakî de hetê ereka DEM Partî ya Adana Helin Kaya wend. Wekîlê Mersînî yê DEM Partî Ali Bozan, îfade kerd ke vera bira îxlalkerdîşî ya “heqê hêvî” ya vera Abdullah Ocalanî de ganî gamê şenber bêrê eştiş.
ÊLIH
Êlih de, verê Banê Îlî DEM Partî de, bi şîarê “Bi Rayberîya Azade ver bi Komelê Azade ra” eşkerayî ameya kerdene. Temsilkarê partîyanê sîyasî û dezgehan zî tewrê eşkerayî bîyî. Metnê pêroyî hetê Serekê Komeleya Cigêrayîş û Kulturî yê Fikrî yê Arî (ARÎ-DER) Mazlum Tenha wend. Eşkerayî bi sloganê “Bijî Serok Apo” qedîyayî.
