Rojnameger Nazim Daştan û Cîhan Bîlgîn netîceyê hêrişanê SÎHA’yî yê Dewleta Tirke ameyê qetilkerdiş, Komeleyê DFG û MKG’yî do ewro verê awanîya DFG’yî, saete: 13.00î de qetilbîyayişê rojnamegeran protesto bikê
Kedkarê Çapemenîya Azade rojnameger Nazim Daştan û Cîhan Bîlgîn ke qewmîyayîşê Surîyeya Bakûr û Rojhilatî teqîp kerdêne, vizêr saete 15.20î serê rayîrê mabênê Awbenda Tişrîn û şaristanêkê Sirrinî de hedef ameyê girewtiş. Her di rojnamegerî, netîceyê hêrişanê SÎHA’yî yê Dewleta Tirke de ameyê qetilkerdiş û ramitoxê wesayîte Ezîz Hec zî birîndar bî.
Protesto kenê
Çi heyf ke hetanî nika bi seyan rojnameger bi hêrişê SÎHA’yî yan zî sewbîna çekan reyde ameyê qetilkerdiş. Komeleyê DFG û MKG’yî do ewro verê awanîya DFG’yî, saete: 13.00î de qetilbîyayişê rojnamegeran protesto bikê.
