EŞÎK’î qetilkerdişê Rojda Yakişikli şermezar kerd û va: “Cuya cinîyan nêeşkena biba babeta efûyêko eşkere yan nimite. Cuya ma, heqê ma, xeyalê ma nêeşkenê qanûnanê kîsikî de bêrê girewtiş. Vera paketanê neweyî ganî polîtîkayê ke heqê ciwîyayîşê cinîyan pawenê bêrê vejîyayîş.”
Dimayê vejîyayîşê Paketa Hukmî ya 11. Amed de Rojda Yakişikli ameye qetilkerdiş. Derheqê qetilkerdişî de Platformê Cinîyan ê Semedê Têduştîye (EŞÎK) eşkerayîyêka nuşteyî daye.
Eşkerayîye de wina ame vatene: “Ma zaf rey pêro berpirsyaran rê neql kerd ke no qanûn heqê ciwîyayîşê cinîyan tehdîd keno. Semedo ke cinî nêyenê pawitiş, ma hewl danê ke înan ser o tedbîranê bilez yê ke eşkenê bêrê girewtene agahdar bikerê. Ma vengdayîşanê xo yê verênan de erjnayîşê xo kerdbî. Ma şîdetê camêrdan sey rejîmêko bêcezakerdişî biname kerd. No rejîm her ke şino beno polîtîkaya dewlete. Wezîfeyê dewlete pawitişê şîdetî yê hemverê cinîyan o. Polîtîkayê bêcezakerdişî cesaret danê kerdoxan.
Cuya cinîyan nêeşkena bibo babeta efûyêko eşkere yan nimite. Cuya ma, heqê ma, xeyalê ma nêeşkenê qanûnanê kîsikî de bêrê girewtiş. Vera paketanê newe ganî polîtîkayê ke heqê ciwîyayîşê cinîyan pawênê bêrê vetene.”
