Meclîsî, qeydê pêvînayîşê Rayberê Şarê Kurd Abdullah Ocalan yê ke hîrê parlamenteran ra kerd bî ameyî weşanîtene.
Serekwekîla Koma Partîya Têduştî û Demokrasîye yê Şaran (DEM Partî) Gulîstan Kiliç Koçyîgît, Hetkarê Serekê pêroyî yê AKP Huseyîn Yayman û Hetkarê Serekê Pêroyî yê MHP Fetî Yildiz, 24ê Teşrîna pêyêna 2025an de, serê nameyê Komîsyonê Meclisî, serdayîna Germawa Îmralîyê kerdbî û Rayberê Şarê Kurd Abdullah Ocalanî de pêvînayîş viraştbî.
Kilmekîya qeydan 4ê Kanûna 2025an de Komîsyonê Meclisî de amebî vendene.
Meclisî di aşman ra dima ser nameyê Qeydê Pêvînayîşê Hepisxaneyê Ewlehîya Bilinde a Îmralîyê bi malpera xo de weşana.
