Mitîngê “Hêvî û Azadîye” yê Amedî de Leyla Zana û Veysî Aktaş, Çetîn Arkaş, Hemserekê Pêroyî yê DEM Partî û DBP’yî û Aktîvîsta TJA’yî Ayla Akat Ata do qisey bikerê.
Platformê Sazgehanê Demokratîk do 4ê çeleyê 2026î de Qada Îstasyonî ya Amedî bi waştişê azadîya fîzîkî ya Rayberê Şarê Kurdî Abdullah Ocalanî, mitîngê “Hêvî û Azadîye” organîze bikerê. Mitîng do saete 13:00î de bêro kerdene. Yeno zanayene ke şaristananê derudorî ra zî xeylê kesî beşdarê mitîngî bibê.
Kesê ke do mitîngî de qisey bikerê, dîyar bîyê. Do mitîngî de Veysî Aktaş, Çetîn Arkaş, Hemsereka Pêroyî ya DBP’yî Çîgdem Kiliçgun Uçar, Hemserekê Pêroyî yê DEM Partîyî Tuncer Bakirhan, aktîvîsta Têgêrayîşê Cînîyanê Azad (TJA) Ayla Akat Ata û sîyasetmedara kurd Leyla Zana qisey bikerê.
