Komela Rojnamegeranê Cinîyan ya Mezopotamya (MKG) rapora xo ya aşma Temuze de nîşan kerde ke yew rojnamegera cinî ameya destbendkerdene û hîrê rojnamegerê cinî zî îfade dayê.
Komela Rojnamegeranê Cinîyan ya Mezopotamya (MKG) rapora xo ya Temuze ya serê binpaykerdişê heqanê rojnamegeranê cinîyan weşanaye. Ame destnîşankerdiş ke xebatkarê çapemenîya azade, yê ke heqê raya umûmîye yê agahîdarîye pawenî, aşma Temuze reyna korîdorê mehkeme de vîyarto.
Yew rojnamegere ameye destbendkerdene û hîrê (3) rojnamegerî seba îfade dayene ameyî vengkerdene.
Rapore de ame destnîşankerdiş ke hukmatê AKPî yew hetî ra qala “demokratîkbîyayîşî” keno, yew hetîyê bînî ra zî zextê serê çapemenîye domneno. Rapore de ame vîrakerdiş ke seba ke rojnamegerî tewrê kombîyayîşê çapemenîye bîyî, dewayê înan ser o ameyî akerdiş.
Rapor de wina ame vatene: “Aşma Temuze de yew rojnamegere ameye destbendkerdene û hîrê (3) bînî seba îfade dayene ameyî vengkerdene. Derheqê di rojnamegeran de cipersayîş ame destpêkerdiş û 24 rojnamegerî hîna yenî muhakemekerdene. Aşma Temuze de, seba ke astengîyê verê azadîya ramane û îfadeyî dewam kerdî, rojnamegere Evrim Deniz, seba ke serê girêdayîşê çeteyan ê şîrketa madene ya ke Pasûr de Hesenan de virazîyeno xebere kerd, seba îfade dayene ameye vengkerdene. Yew dewa newîye serê Edîtore Ajansê Xeberan ê Etkînî Pinar Gayipî ameye akerdiş. Sebebo dewa newîye zî o yo ke aye derheqê binpaykerdişê heqanê merdiman yê hepisîyan, îşkenceyê serê cinîyan yê destbendkerdişî û xoverdayîşê karkeran ê serê medyaya dîjîtale de pare kerdî.”
‘Hesabê kiştoxanê rojnamegeran do bipersê’
Rapore MKG’î wina domyena: “Hîna hesabê seba rojnamegeran Cîhan Bîlgîn û Nazim Daştan yê ke Rojawan de ameyî kiştiş, nêameyo dayene, hempîşeyê înan seba ke tewrê yadkerdenê rojnamegeran bîyî, çarçiweya cipersayîşî, yenî vengkerdene. Sey MKG’î, ma wazenî reyna vajî; Hempîşeyê xo vîr anenî û seba qirkerdiş wazenî hesab bêro persîyayene, yê kiştoxanê rojnamegeran ra hesab bipirsê. Dewa ke sey Dewa Çapemenîye ya KCK’î yena zanayîş, 13 serrî yo dewam kena. Bi na dewa xebatkarê Ozgur Gundem û Azadiya Welat yê ke ameyî tepiştiş, xebatkarê Ajansê Xeberan yê Dîcleyî, Vilakerdoxê Firatî ameyî muhakemekerdene. Rûniştişê na dewa yê 34., 17ê Temuze de ame vînîyayene. Dewa Çapemenîye ya KCK’î ke 13 serrî yo rojnamegeran mecbur kena ke korîdorê mehkeme de şirî û bêrî, do sey dewayê şermî yê Tirkîye tarîx de bêro nuştiş.”
Binpaykerdişê heqan
MKG’e rapora xo de heqê ke ameyî binpaykerdiş wina rêz kerdî:
*Rojnamegerê ke ameyî destbendkerdene: 1
*Rojnamegerê ke seba îfade dayene ameyî vengkerdene: 3
*Rojnamegerê ke rastê muameleyê xirabî ameyî: 1
*Rojnamegerê ke seba xeberan asteng bîyî: 1
*Binpaykerdişê vera rojnamegeran yê hepisxaneyan de: 4
*Rojnamegerê ke binê cipersayîşî de yî: 2
*Rojnamegerê ke pê dewayê mehkeme rî bi rî yî: 1
*Rojnamegerê ke nika yenî muhakemekerdene: 6
*Rojnamegerê ke 4ê Çileyî ra -2023 de hepis de yî: 5
