Rayberîya Xosere ya Vakur û Rojhelatê Sûrîye vengda Hukmatê Demkî yê Sûrîye ke wa îradeyê şaran rê hurmet bikero û vatişanê nefretî ke zerar dano yewîya şaran, înan ra fekverado.
Rayberîya Xosere ya Vakur û Rojhelatê Sûrîye derheqê pêkewtişanê ke şerîdê qerax û Sûveyda de zêdîyayî, bi eşkerayîyêk qesawetê xo îfade kerd û hîşyar kerd ke sîvîl û protestowanî yenê hedefgirewtene û no zî welatî anceno mîyanê pelê şîdetêkê neweyî.
Eşkerayî de ame vatene ke şaro ke heqê xo yê meşrûyî wazeno, raştê hêrişî yeno û bi nameyê “Artêşa Eşîran” û “Hêzanê Eşîran” de komê çekdarî yenê şuxulnayene, no sûco sîstematîk o û bi nê yeno waştene ke aştîya zereyî bêra xeripnayene, şarê Sûrîye biverdîyê yewbînan.
Îdareyê Xoserî eşkerayîya xo de îfade kerd ke ê pêro herêmanê Sûrîye de paştî danê heqanê meşrûyan ê şarî û vat çîyê ke nika qewimîyenê welatî ancenê mîyanê kaosî ke no tena bi dîyalogî eşkeno bêro çareserkerdene.
Îdareyê Xoserî vengda Hukmatê Demkî wa îradeyê şaran rê hurmet bikero û şîdetê vera sîvîlan vindarno û hîşyar kerd ke pêkewtişê Humus, qerex û Suveyda zerar danê Sûrîya. Îdareyê Xoserî vengda Hukmatê Demkî ke wa îradeyê şaran rê hurmet bikero û vatişanê nefretî ke zerar dano yewîya şaran, înan ra fekverado.
