Rayberîya Xosere yê Vakur û Rojhelatê Sûrîye, hêrişê ke Heleb de serê taxanê kurdan bîyê bi planê Tirkîye û bi hetkarîya hêzanê herêmî û mîyanneteweyan pîya bîyê.
Rayberîya Xosere yê Vakur û Rojhêlatê Sûrîya, derheqê hêrişanê vera taxanê Helebî, Şêxmeqsûd û Eşrefîye eşkerayîyêk daye. Eşkerayî de nê çîyî îfade kerdî: “6ê çele 2026 de taxanê Helebî Şêxmeqsûd û Eşrefîye de, hetê grubanê girêdayeyê Wezaretê Pawitişî yê Hukmatê Surîya ya demkî ra bi planê Tirkîya û bi hetkarîya hêzanê herêmî û mîyannewteweyî hêrişêko pîl yê leşkerî re merûz mendê. Nê hêrişî, estbîyayîşê kurdan hedef gênê, kurdî leteyê ke demografîya Helebîyê û tira nênê abirnayîş. Hedef girewtişê kurdan merheleye ke newe yê roniştoxanê qeraxê Sûrîye û şaristanê Siweyda de vera merdiman ke îhlalê cidî û dewamê nê qetlîamanê.”
ENDAMÊ DAIŞ’î TEWRÊ NÊ HÊRIŞAN BÎY
Nê Hêrişan 6 rojî dewam kerd, eslê xo de vera di taxan hêrişêk mîyanneteweyî bî. Bi hezaran endamê grubanê çekdaran, bi çekanê giranan hêrişî viraştî. Endamê DAIŞ’î tewrê hêrişan bîy. Nê hêrişan de verva hûmareyêk zafê, bi seyan Hêzanê Ewleyîya Zereyî bîbî. Erjê merdîmiyê ra, qaydeyê exlaqî ra û qaydeyanê şerî yê mîyanneteweyî ra dûrî, yew şerêko bê seyewbînî bi.
Sewbîna sefanê Hêzanê Asayîşî Zereyî hemrayê ma, her di taxan de şarê ma pawitê, bi xoverdayîşêko tarîxî û qehremanî verva hêrişan ard ca. Hemverê tewir tewir çekanê giranan û hêrişan de 6 rojî bê mabên xoverdayîşêk cesûr û fedekarîyêk bi qehremanî da mojnayene.
Hemrayanê ma hêrişî tewr girsî dayê vindarnayane û xoverdayîş bi qerardarî rayraberd, Fermandarê ma yê qehremanan Ziyad û Azadî hemrayê ma Hawar, Dilbirîn, Vîyan, Feraşîn, Rojbîn û heta Denizî hemînan zî erjeyê şaran û girêdayena dewa û fedakarî de sewîyeyê tewr cor de da mojnayene. Fedekarîya înan hiş û zerrîya şarê ma de do ebedî biciwîyo.
SUCÊ ŞERÎ YENO KERDENE
Grubê çekdarî yê ke girêdayê Wezaretê Pawitene bi girêwtişê 2 taxan nîno maneyê serkewtişî. Eksê ci otorîteya ke îdia kenê vanê ma temsîlkarê dewleteyê hetê înan ra îxanetêko pîl, sûcêko giran kerdo. Eynî wextî de welatijanê xo kişenê, bi rûmetê înan kaykenê. Yew otorîteya ke îdiya ayê pawitişê Îslamî yo, bê hurmetîya cenazeyan kenê, bi hawayeko eşkera sûcê şerî kerdo. Otorîteyê ke verva şarê xo paştîya xo bido dewletanê cîyayan ê otorîteyî meşruîyetê xo vîndî kenê. Çike çimeyê meşrûîyetî şar bi xo yo. Hemverê cayanê roniştoxan de xebitnayîşê tang û topanê giranan, zeîfî û tersa otorîteyî nîşan dano. No zî tarîxê Sûrîye de sey yew lekeyê do her daîm bimano.
QETLÎAMÎ DO BÊ CEZA NÊMANÊ
Rejimê BAAS’î û demê hukmatê demkî de bi des serran verva bê edaletî û dorpeçan de îradeyê şarê ma û qehremananê ma bi xoverdayîşê xo da mojnayene ma nê serkewtişî rastîye îlan kenê. Sewbîna vera şarî û şehîdanê ma hêrişî û qirkerdişî virazîyayê, ma îlan kenê ke nê îhlalî û heqaretî bê ceza do nêmanê. Heta mesulî hesab nedê, birîna wijdanê ma do cande bimanê.
WA 2 TAXAN DE HÊZÊ MÎYANNETEWEYÎ CA BIGÊ
Nê rojanê peyênan de qewimîyayîşanê cidîyan û îhlalan ser o rexistinê heqanê merdiman yê mîyanneteweyî taxanê Şêxmeqsud û Eşrefîye de rewşa merdimî û ewleyî seba ke tekîp bikerê ma vengdayîşê înan kenê.
Şarê ma rastê hêrîşanê xedaran, îhlalê rûmetê merdimîyê, înfazan, sûcanê şerî, wedartişê etnîkî û vurnayîşê demografîkî ra meruz maneno. Sewbîna hîna zêde seba tedbîr girewtene her di taxan de hêzê mîyanneteweyî ganî bi ca bigê. Hêzê Ewleyî Dewlete sey DAIŞ’î kesê wayîrê îdeolojîya fundementalîste ra yenê rayberdene bawerî ti wext bi înan nêbena. Amancê nê hêrişan vurnayîşêk demografîk o; ma rica kenê ke wa roniştoyê her 2 taxan keyeyanê xo de bimanê. Ê yê ke cayê xo ra bîyê ma wazenê tepîya agêrê. Dejê ke şarê ma antê ma hemînan zanê.
Ma sey Rayberîya Xosere Vakur û Rojhelatê Surîye seba ke tesîrê şerî kemî bo, pêro îmkananê xo yê madî û menevîyan temîn kenê. Her ca de û her şertî de ma kişta şarê xo de yê.
