Kantonê Reqayêyî de tay cotkar, balcanê sûr demê xo kom kenê û zimistanî de zî xec kenê. Nê balcanê ke bi nameye ‘balcanê simere’ tena yena naskerdiş, têrê şaristanê herêmî kenê
Tay koçberê dewwarê rojhîlatê şaristanê Helebî yê kampê El Hikûmîyêyî ya Bakûrî Kantonê Reqayêyî, balcanan peynî demê çandinîya înan kom kenê û nê têrê şaristanê Reqayêyî kena. Mabênê aşma hezîran û temmuze de balcanan kom kenê û aşma teşrîna vêrêne û teşrine de dest bi komkerdişî kenê la bînê balcanan şîn manenê. No ser cotkar bi nê awayê kanşopî ê sûr kenê û vejînenê.
Destpêkê balcanê şîn kom kenê, herra kenenê û balcanan ronenê xorîyan û ser înan bi naylonê gênê heta 20 rojan. Peynî ke resenê û sûr bene, ê ronenê sindoqan û benê şaristanî. Nameyê nê balcanan zî mîyanê şarî de “balcanê simere” yo.
Yeno vatiş ke verê şênîyê Kantonê Reqayêyî bi na rêbaze zimistanî de balcan vîjnaynê, peynî zî na rêbaz nêame bikarardiş.
Cotkar bi nameyê Xelêf El Elî ke dewwarê rojhîlatê Helebêyî yo, vano ke berardişê balcanan no demî de rêbazêk kan a û wina dewam kerd: “Pîy û bawkalanê ma, na rêbaz seba peydakerdişê lazimîyê keyeyî bi kar ardê la ma na rêbaz kerd projeyêk seba berardişê balcanan.”
