Nê wextan de ke zextê rejîmê Îranî yê rojnamegeran û aktîvîstan ser o dewam kenê, yewna rojnamegerê kurdî hetê rejîmê Îranî ra cezaya hepisî girewt.
Torra Heqanê Merdiman a Kurdistanî dîyar kerd ke rojnamegerê kurd Ejder Pîrî Sarmanluyê Çaldêranij hetê ‘Mehkemaya Şorişî ya Kerecî’ ya rejîmê Îranî ra bi îdîaya ke ‘propagandaya verba hukmatî’ kerda, ame cezakerdiş.
Ame zanayene ke Ejder Pîrî Sarmanlu yew serre cezaya hepisî û 2 serrî cezaya nêşuxulnayîşê medyaya sanale û înternetî girewta.
Ame qeydkerdiş ke dewa ey peynîya 2024î de ameya dîyene û qerar nê rojanê peyênan de ame dayene.
Ejder Pîrî Sarmanlu 21ê teşrîna verêne 2024î de hetê hêzanê rejîmê Îranî ra keyeyê xo de ameyo destbendkerdiş û erşawîyayo Hepisxaneya Îdarî ya Îtlaat a Kerecî. Prosesê destbendî de 21 rojî persayîşê de bi û dima ey erşawito Hepisxaneya Merkezî ya Kerecî. 25ê teşrîna peyêne 2024î de bi kefalet û şertê veradayîşî ameyo veradayene.
Rojnameger Ejder Pîrî Sarmanlu edîtorîya Kovara Cigêrayîşê Neteweyî ya Mîyanneteweyî kerdêne.
