Rêxistina Heqanê Merdimanî (HRNA) dîyar kerd ke şaristanê Xuzîstanî de hêzanê Îtaletê Îranî seba îfadeyê venga hewt heb cinîyan dayo û bi zorî îmza daya eştene ke deyîran nêvajê.
Zilmê rejîmê Îranî cinîyan ser o dewam kenê. Goreyê xebera Rêxistina Heqanê Merdimanî (HRNA) vizêr şaristanokê Behbehanî yo ke girêdayeyê şaristanê Xuzîstanî yo, Îtaletanê Îranî seba îfadeyê venga hewt heb cinîyan dayo.
Xeberî de ameyo vatene ke îfadeyê hewt cinîyan ra pey belgeyêk bi înan dayo îmzakerdene û vatişê deyîran, beşdarbîyayîşê kombîyayîşê cinîyan, cenayîşê amûranê muzîkî û medyaya dîjîtale ser o parekerdişê çalakîyanê hunerî înan rê ameyo qedexekerdene.
Nameyê hewt cinîyan wina yo: Îlahe Ehmedî, Mehsan Îhtiramî, Negîn Mensurî Nejad, Azardext Tahirpur, Ramîş Seyîd, Mujde Nesîrî û Zulfa Cemşiyanî.
