Sendîkayê Mamostayê Kurdistanî da zanayîş ke mamostaya kurde Sumeye Exterşemerli Merîwan de hetê rejîmê Îranî ra kar ra ame dûrvistiş.
Zextî, tepiştişî û tehdîdê rejîmê Îranî yê serê welatperwer, çalakger û mamostayê kurdan de dewam keno. Mamostayêke bîne Rojhelatê Kurdistanî kar ra ame dûrvistiş. Sendîkayê Mamostayê Kurdistanî yê Liqa Merîwan, Seruabad, Sine, Seqîz û Zîwiye yê Rojhelatê Kurdistanî derheqê dûrvistişê mamostaya kurde Sumeye Exterşemer eşkerayîyêke pare kerd.
Eşkerayîye de ame dîyarkerdiş ke hetê Dadgeha Edaletî yê Îdarî yê Îranî ra mamostaya ziwanê Îngîlîzkî û çalakîgera Sendîkayê Mamosteyê Merîwanî Sumeye Exterşemer karê xo ra amî dûrvistiş.
Ame dîyarkerdiş ke mektubêk yê Îdareyê Perwerdeyê ya Merîwanî ra aye hetê Heyetê Seretayî ra bi tometê ‘binpaykerdişê îdareyê karmendê Sineyî’ kar ra ameya dûrvistiş. No qerar peynîya Gulana 2024ine de hetê Heyetê Temyîzî yê Wezaretê Perwerdeyî ra amebî tesdîqkerdiş. Erjê vîrardişî yo ke zêdeyêrî 700 mamosteyî Rojhelatê Kurdistanî de rastê kêmkerdişê meaşî ameyê û 47 mamoste heqê xo yê terfîkerdişî ra ameyê bêparkerdiş. Hemverê zêdeyêrî hezar mamostayan dewa ameyê akerdiş û bi seyan mamosteyî kar ra ameyî eştiş û bi zor ameyê teqawidkerdiş.
