Goreyê agahîyanê keyepelê Vengê Girewteyanê Kurdî û Îranî, aqûbeta di cinîyê ke hetê Wezaretê Îstîxbaratê Îranê ra ameyê girewtene zêdeyê di aşmanê nêyena zanayene.
Zordarîya rejîmê Îranî yê vera kurdan dewam kena. Ame eşkera kerdene ke Ummû el-Benîn Dehkan(63) û Meryem Alîpûr (31) hema zî hepisxaneya Qarçake de binê cipersayîşî de ya. Her di cinîyê girewteyî, maya û waya girewteyê sîyasî Babek Alîpûr ê ke verê nika amebî dardekerdene. Sewbîna zî ame dîyarkerdene ke pîyê Babek Alîpûr, Ruzbeh Alîpûr zî hepisxaneyê Evînî de girewteyo.
Heqê pêvînayîşî nêyeno dayene
Goreyê agahîyan, heqê pêvînayîşê bi avûkat û keyeyê ey zî endamanê keyeyî Alîpûrî rê ameyo qedexekerdene. Keyepelî dîyar kerd ke rejîmê Îranî vernî dardekerdene, heqê xatirwaştişê peyênî zî nêdayo keyeyê Babek Alîpûr.
Çalakvan dijberiya darvekirinan bû
Dayîka Babek Alîpûr, Ummû el-Benîn Dehkan, sey aktîvîstêka ke tewrê kampanyaya “Sêşemên Dardekerdişî rê Ney” yena naskerdene. Ummû el-Benîn Dehkan û kênaya aye Meryem Alîpûr, 26ê sibate 2025 de wexto ke agêrayene keyeyê xo hetê hêzanê rejîmê Îranî ra amebî destbendkerdene.
