Hêrişê rejîmê Îranî yê cinîyanê azadîwazan û ziwanê kurdkî ser o dewam keno. Mamosteya ziwanê kurdî hetê rejîmê Îranî ra karî ra ameya dûrîvistiş û heqê aye de dewa ameyo akerdiş
Komela Heqê Merdiman a Kurdistanî dîyar kerd ke mamosteya Kurd Leyla Selîme ya şarê şaristanê Sîne ya Rojhilatê Kurdistanî ra ya, hetê Heyetê Cigêrayîşê Sûcanê Îdarî yê Wezaretê Perwerdeyî yê Îranî seba di aşman karî ra ameya dûrîvistiş.
Ame vatiş ke Leyla Selîme bi îdîaya ‘beşdarîya çalakîya sendîka û endambîyayîşê Sendîkaya Mamosteyê Sîne’ ameya cezakerdiş.
Leyla Selîme 32 serra ya, wayîrê tecrubeyê mamosteyîye, eynî demî de çalakgera Sendîkaya Mamosteyê Sine ya. Hetanî nika 9 mamosteyê kurdî hetê rejîmê Îranî ra ameyê dûrîvistiş û tay mamosteyan rê zî cezaya hepsî ameya dayîş.
