Hamburg, Sydney, Vîyana, Cenevre û Lozan de resepsîyonanê Newroze de bale ameye antene serê têkoşînê şarê kurdî ser.
Bajaranê cîya cîyayan ê Ewropa de şayîyê Newroze bi resepsîyonan û aktîvîteyanê girseyî dewam kenê.
Hamburgê Almanya de parlamento de resepsîyon ame kerdene ke 500 kesan ra zafêr kesî tewrê ci bîyî. Temsîlkar û wekîlanê Partîya Çepe vat Newoze roşanêko ke mabênê şaran de paştdayîşî xurtêr keno. Wekîla Partîya Çepe ya Parlamentoyê Federalî yê Almanya Cansu Ozdemir ard ziwan ke Newroze vera tarîtîye sîmgeyê roşnayî ya û bale ante têkoşînê şarê kurdî ser.
Bajarê Cenevre yê Swîsre de resepsîyonê Newroze ame oganîzekerdene. Resepsîyono ke Qesra Eynardî de ameye kerdene sîyasetmedar û temsîlkarê dezgehan tewrê ci bîyî. Şaredar Alfonso Gomezî vat Newroze sîmgeyê haştîye û paştdayîşî yo.
Lozan de bi paştdayîşê şaredarîye resepsîyon ame kerdene û aktîvîte de mesajê paştdayîşî vejîyayî vernî.
Paytextê Avusturya Vîyana de zî programo ke ame kerdene bi tewrbîyayîşê mîyanneteweyî bale atne xo ser. Sîyasetmedar Hîşyar Ozsoyî vat Newroze hîkayeya hêvî,azadîye û xoverdayîşî ya.
Sydneyê Avusturya de zî resepsîyonê Newroze ame kerdene. Wekîla Partîya Karkerî Anthony D’Adam vat: ”Ma hêvî kenê ke Newroze do semedê şarê kurdî bibo wesîleya haştîye û azadîye. Şarê kurdî cuya xoser û azade heq keno.”
