Rêxistinanê Cinîyan û Tora 8ê Adare gerreyê ê meleyî kerd ke vera şervananê cinî bêhurmetî kerdbî û dîyar kerd ke do nêverdê ê merdiman rê bêhurmetî bêra kerdene ke seba pawitişê welatê xo canê xo feda kenê.
Tora 8ê Adare û Rêxistinê cinîyan vernîya serekîya Mehkemaya Silêmanî de kom bîyê û bi eşkerayîyêka çapemenî bêrezîya hemverê şervananê cinî ya hetê tayê melayanê Başûrî ra şermezar kerd.
Nameyê Tora 8ê Adare û Rêxistinan Cinîyan, Geşe Dara eşkerayî wende û vat: “Demêko ke şarê ma Rojavayê Kurdîstanî de gonîya xo rişneno, cinî û ciwanê şervan pawitişê herre û welat kenê, kesêk yeno hemverê cenazeyanê şervanan bêrêzî keno û bi şeklêko ne musaîd eşkerayîyan dano.”
Dewamê eşkerayî de ame dîyarkerdene ke înan Dozgerîya Pêroyî de gerreyê kesê bi nameyê Mezher Xuresanî kerdo kegoreye madeyê 434. raya pêroyî bi îfadeyanê xiraban nerehet keno.
Ame dîyarkerdene ke qanûnê hûmar 21 ê serra 2003î yê parlamentoyê Îraqî de yeno vatene ke her kesêk bi amancê zerardayîşê bandurayê sazgehanê ewleyî çîyêk bikero, ganî derheqê ci de dewa bêra akerdene û bêro cezakerdene. Seba ney zî ganî ê kesê ke heqaret kenê bêrê cezakerdene û edalet bêra caardene.
Peynîya eşkerayî de zî wina ame vatene: “Ma do nêverdê ke ê kesan rê bêhurmetî bêra kerdene ke seba herre û welatê xo canê xo feda kenê.”
