Heyetêkê Rêxistina Ewleyî û Asayîşî (UNDSS) û Ofîsê Neteweyanê Yewbîyayeyan yê seba Koordînasyonê Kar û Baranê Merdimî (OCHA) seba erjnayîşê rewşa merdimî û xizmetkarî û dorpêço ke hema zî dewam keno ser şaristanê Kobanî zîyaret kerd.
Heyet hemserekanê Meclîsê Rayber ê Rayberîya Xoser Ferhan Hecî Îsa, cagira hemserekan Mizgîn Xelîl, Hemserekê Komîteyê Kar û Baranê Komelkî Ehmed Xoca, rayberê Ofîsê Kar û Baranê Rêxistinan Mistefa Hesen û Sereka Komîteyê Cinîyan Macîde Hesûn reyde ame têhet.
Amancê zîyaretî o bi ke heyet rewşa pêroyî ya şaristanî bierjno, lazimtîyanê merdimî û xizmetî yê lezgîn dîyar bikero ke hetkarîyê lazimî bêrê dayene.
Her di hetan mekanîzmayanê xebatanê rêxistinanê merdimî yê ke yeno pawitene ke rojanê ameyox de bikewê Kobanî û rêbazê asankerdişê xebata înan ser o qisey kerd.
Şaristanê Kobanî 20ê çeleyî ra binê dorpêçêko giran de yo û seba ke hetkarî nêresenê zereyê şaristanî rewşa merdimî her ke şona xorînêr bena.
