Reya ewilîn a ke wesayîtêkê Mudirîyetê Polîsan ê resmî de “Birêz Ocalan” yeno vatiş.
Qezaya Xelfetî ya Riha de bi hezaran kesî seba pîrozkerdişê rojbîyayîşê Rayberê Şarê Kurdî Abdullah Ocalan yo 77. ver bi dewa ke maya xo ra bîyo, rayîrşîyayîş viraşt. Rayîrşîyayîş rayîrê Amara ame vindarnayene û tena destûrê hezar kesî ame dayene ke şorê dewe.
Naye ser o Hemsereka Riha ya DEM Partî Ayşe Surucu seba plansazîya programî wesayîtê anonsî yê Mudirîyetê Polîsan ê Riha de xîtabê şarî kerd.
Surucu anonsî de bale ant programî ser o û vat: “Ma Rojbîyayîşê sermuzakerekerdoxê prosesê Aştî û Komelê Demokratîk birêz Ocalan pîroz kenê.”
Bi nê qiseykerdişê Surucu reya verên a ke vatişê “Birêz Ocalan” wesayîtêkê Mudirîyetê Polîsan de yeno vatene û gulbang dano.
