Kantona Cezîrê û Kobani de serferberî dewam kena û şar pawitena xo keno. Ewro 1ê sibate yo seba roja xoverdayîşê Rojava do şar vejîyo waran.
Şarê Rojava yê Cizîrê û Kobanî çarçeweyê seferberî de bi rayîrê komînan xo birêxistin kenê. Roja 16ê çele ra heya nika pawitişê tax, dew û şaristanokanê xo kenê. Seba şarê Rojava pawitene nan, awe û hewayî ra muhîmîya. Bi seferberî ra şarê Rojava resayo astêka ke seba pawitena destkewteyanê Rojava canê xo bidê.
Xoverdayişê şarê kurdî, Kurdîstan û pêroyê dinya de bi tewrbîyayîşê înan ê seferberî moralêko gird da şarê kurdî. Yewî û xoverdayişê şarê kurdî ya vera plananê qirkerdişî pêroyê dinya mîyanê matmendayene de verda.
Ewro zî do şarê Rojava seba roja xoverdayîşê Rojava (1’e sibate) vejîyo qadan û vengdayîşê garantîkerdişê heqânê şarê kurdî bikero.
