Komara Mahabadî, çi heyfo ke bêîttîfaqîya kurdan ser o ame çinkerdene û Qazî Muhammed zî hetê Dewleta Îranî ame qetilkerdiş. Nika kurdan bi paradîgmaya Abdullah Ocalanî Rojawan de wasîyetê Qazî Muhammedî ca anenî, yewîya xo awan kerdê û dinya ra zî bîyê finak.
Tirkîya de 27ê Sibate ra pey pêvajoyêka newe dest pê kerd. Rayberê Şarê Kurd Abdullah Ocalan, seba demokratîkbîyayîşê Tirkîya projeyêk da verê Hukmatê Dewleta Tirke, heto bîn zî bi persfektîf û paragîdamaya Abdullah Ocalan, Rojawan de tarîx yeno nuştiş. Îtîfaq û yewîya kurdan pê yena, ENKS, PYD û sewbî qewetê kurd yenî têhet û ameyoxê xo nusenî.
Çi heyfo ke demê awanbîyayîşê Komara Mahabadî de nêbîyayîşê yewîya û îttîfaqê kurdan ser o Komara Muhabadî peynîya zilmê Dewleta Îranî çin bî. Kurdan êdî seserra verê kurdan ê, bi paradîgmaya xo şarê bindestî ra finak ê. Xo ra wasîyetê Qazî Muhammed zî yewîya kurdan ser bî.
Qetilbîyayîşê Qazî Muhammedî
31ê Adara 1947î Mahabad de hetê Rayberîya Îranî ra Peşewa Qazî Muhammed ame qetilkerdene. Şehadetê qetilkerdişê Qazî Muhammedî ser o zî 78 serrê vîyart.
22ê Çileyê 1946î, Warê Çarçira yê Şaristanê Mahabadî de bi pêşengîya Qazî Muhammedî beyreqê Kurdistanî ame antiş û Komara Kurdistanî ame ronîyayîş.
Meclîsê Komara Kurdistanî kombîyayîşê xo yê ewilî, 11ê Sibata 1946î de bi 30 endamê kerd û Qazî Muhammed zî bî Serekkomar. Qazî Muhammed Mele Mustafa Barzanî ra zî wezîfeya Erkanê Pêroyî da.
Qazî Muhammed meclîs de no siwend wend:
“Bi nameyê Homayî; ez ser Quranê Kerîm, welat û beyraqê xo siwend waneno ke, hetanî peynîya gonî û cifê xo seba beyraq û welatê xo têkoşîn bido, ganî biko canê xo zî bido.”
Mîyanê 11 aşmê de Komara Kurdistanî de ziwano fermî kurdkî ame îlankerdene û bi ziwanê kurdkî zî perwerde ame dayene. Na çarçiwe de rojnameyê Kurdistan û kovarê Hawar, Hîlale, Agir, Gelawêj weşan bîyî. Hewna radyoyê kurdkî destpê weşanî kerdê. Ziwan û edebîyatê kurdkî zî aver şîyê.
16ê Teşîrîna 1946î de Yewîyeya Sovyetan, qewetanê xo Îranî ra tepa antê. Îran zî hetkarîya Îngîlistanî girewt û heme bi hêzê xo hêrişê Komara Kurdistanî kerd. Qazî Muhammed zî wa kurdan marûzê qirkerdişî nêbî, Rayberîya Îranî reyde pê ame la çi heyfo ke Artêşê Îranî 17ê Kanûna 1946î de kewt şaristanê Mahabadî û Komara Mahabadî çin kerd.
Rayberîya Îranî mîyanê 2 rojan de heqê Qazî Muhammedî qerarê îdamkerdişî da û peynî Qazî Muhammed, birayê ey Sedr Qazî, warzayê ci Seyf Qazî Warê Çarçira de ameyî îdamkerdiş.
Wasîyetê Qazî Muhammedî
“Ez nika saetê emrî xo yê peynî cuyena. Bi xatirê Homayî, ma rê dişmenî mekerî. Yewbînan ra hetkarî bidî û verba zalim û dişmanê xo de bivinderî. Xo bi erjan dişmenê xo nêroşî! Dişmenê şarê kurd zaf ê û xedar î. No ser zî sewketişê her şarî, yewîye û hetkarîdayîşê yewbînan o. Kam îtîfaqê şarêkî çinî bo, no şar do hetê dişmenê xo bêro zilmkerdişî. Kêmanîya şarê kurd, sewbî şaran ra kêm nîya. Hetta şarê kurd camerdî ra sewbî şaran ra hîna wêrek o. Dişmen qet şima rê hurmet nîşan nêdano. Şarê ke zilmî ra xelisyayî sey şima bîyî la peynî yewî û îttîfaqê xo awan kerdê. Eke şima zî no rayîr bişopnî do şima zî bixelisî.”
Kurdan Rojawan de yew bîyî
Rojawan de qewetê kurd, bi camerd, cinî û ciwanê kurd bi serran o ke têkoşînêko bi hempa danî. Şarê kurd bedelê giran dayî, şehîd kewtî. Rojawan de îttîfaq û yewîya kurdan do tarîxê kurdan de bibo rîpelêko newe. Kurdan bi silgirîya konferans, pêvînayîş û kombîyayîşan rêxistinîya xo do xurtêr bikerê û ameyoxê xo awan bikerê û bi no rayîr zî şarê bindestî yê dinya ra zî serkêşîye bikerê.
Nika kurdan seba Qanûnê Bingeyî yê neweyî yê Sûrîye fikr û yewîya qewetê kurdan zaf avzel ê. Yewîya ENKS, PYD û sewbî qewetê kurdan do bibê wesîleya vilabîyayîşê neteweya demokratîke û azadîperwerîye, yewîya kurdan û paradîgmaya neteweya demokratîke.
