Komeleya 78an kongreya xo ya 7ine normale Şaxa Egîtîm Senî ya Amedî ya 1ine de pê ard, kongre de Nuştox Hasan Ozguneş dîyar kerd ke na ray Kurdan zane yê, polîtîk ê û pergal û modelê Kurdan Rojawan o
Kongre de zaf temsîlkarê sazîyê komelî hadre bîyê, salonê kongre de pankartê “Wa Hepisxaneyê Amedî bibo muzeya merdimeyî” akerdê. Kongre bi rêzgirewtişî dest pê kerd û bi weçînayişê dîwanî dewam kerd. Seba dîwanê kongreya 78an sîyasetmedar û nuştox Hasan Ozguneş, Nuştox Haci Ozkal û Avûkat Gulşen Demîr ameyê weçînayiş. Peynîya dîwanê kongre ame weçînayiş, ser nameyê dîwanî sîyasetmedar Hasan Ozguneş qise kerd.
Hasan Ozguneş ard ziwan ke na kongre seba keda verê bipawa û rayberîyêk senî bêra sazkerdiş weçînayitoxan pê yena û wina vat: “Do bi rûhêko newe, rayîr û rêbazê newe xo bi rêxistin biko. Goreyê demê xo bi hêz biko. Do ser armanc û rêgezê xo bimeşo. Sey yeno zanayiş DEM Partî û DBP’î ser waştişê heme sazî, rêxistinan konferans pê ard. Netîceyê nê konferansî de hemleya xo newe awankerdişê ya partî û rêxistinan ame destpêkerdiş. Na hemla nê tena ya partîya sîyasî ya, na hamle eynî demî de ya sazîyan û şaran a zî”
Çareserî Neteweya Demokratîk a
Ozguneş ser çareserîya probleman zî vindert û wina qedîna: “Verba na yewe çareserî Neteweya Demokratîke, rayberîya xoser û konfederal seba Rojhîlato Mîyanên bîya derman. Têmîyanî û neheqîya mabênê zayend, bawerî û merdim werte ra hawenena. Çareserî aver bena, heme bawerî, kultur, ziwan û nasname eşkenê bi pîya azad biciwî. Şarê Kurd ewro no pergal awa keno û finaka ci zî Rojawan o. Dewletanê mêtînger û Hukmatê Tirke seba na yewe hêriş kenê û wazenê destkewteyanê Kurdan çin bikê. Tecrîd ser Rayberê Şarê Kurd Abdullah Ocalan zêde kenê. Seserra verê Pêameyişê Lozanî de ma nêzan bîyê yewîyeya ma çinî bî, ma bêrêxistin bîyî. Na ray ma zane yê, polîtîk ê. Pergalê ma est o, modelêk ma esto.”
Rayberê 78an Cebelî Akyol zî kongre de bi Kirmanckî beşdaran silam kerd.
Kongre peynî qiseyan bi raporê malî û xebate dewam kerd. Peynîya wendişê raporan, weçînayiş pê ame. Weçînayiş de seba rayebarîya Komeleya 78an Ahmet Candan, Gulseren Aydemîr, Enver Temîz, Bedrî Karaoglan, Mehmet Yamaç, Sanayî Çelîk û Talhat Emra ameyê weçînayiş.
