Îsraîl û Amerîka rojêk de 17 şaristananê Rojhelatê Kurdîstanî de 179 hêrişî kerdê. Sewbîna bi seyan bombabaranî şaristananê Îranî de ameyê kerdene.
Şerê Îsraîl-Amerîka û Îranî roja 19. de dewam keno. Herêma ke tewr zaf bombabaran tede yeno kerdene zî şaristanê Rojhelatê Kurdîstanî yo. 24 saetanê peyênan de Îsraîl û Amerîka 17 şaristananê Rojhelatê Kurdîstan û Îran de tewr kêm 179 hêrişî kerdê.
Hêrişan de 29 qerargehê leşkerî, qerargehê Supayê Pasdaran, merkezê hêzê Besîc, Teyaregehê leşkerî, merkezê polîsan, bîrê neftî û qadê enerjîya atomî yê Îranî hedef ameyê girewtene. Derheqê vîndîbîyayîşanê merdimî de agahîyê zelalî nêameyê girewtê la qerargeh û cayê ke ameyê hedefgirewtene bi pêroyî rijîyayê û ameyê astê ke nêrê şuxulnayene.
Îran de zî eynî hêrişî ameyî kerdene
Eynî hêrişê giranî bajaranê Îranî de zî ameyî kerdene. Rojanê peyênan de bajaranê Tehran, Îsfehan, Şîraz, Kerece, Buşehr, Ehwaz, Faris, Tewrêz, Qum û Bender Ebasî ameyî bombardûmankerdene. Nê bajaran de bi seyan hêrişî ameyî kerdene. Goreyê malumatan gelekî vindîbîyayîşî Îranî est ê.
Ame resnayene ke hêrişan de qaso ke ameyo tespîtkerdene rojanê peyênan de 3 sivîlî cuya xo ra bîyî û 4 kesî zî birîndar bîyî.
