Wefatkerdişê Evrîm Alataş ser o 16 serrî vîyartê. Evrîm Alataşe bi nuşteyanê xo, kitaban û rojamegerîya xo çapemenîya azade de têkoşînêko muhîm da. 15 nisana 1976î de dewa Golpinara Arganê ya ke girêdayeya Meletî de maya xo ra bîya. Qijkekî xo de tedaya dewlete vînena, keyeyê xo reyde bar kenê û şinê Stenbol û demêko kilm tekstîl de xebitêna. Serra 1994î de rojnameya Yeni Politika de dest bi rojnamegerî kena.
Alataş, sey rojnameyanê Demokrasî, Özgür Bakış û Ülkede Özgür Gündem de muxaberîye û edîtorîye kena. Rojnameyanê Evrensel, BirGün û Özgür Polîtîka de nuşteyî nuştê. Bi nameyê “Fincan Hanim” nuşteyê xo nuştê. Bi ziwanêko rexnegir, derheqê dejê şarê kurdan de nuştê. Kovaranê sey Esmer, Bîrîkîm, Amargî, Reş û Tirojî de nuşteyê aye ameyê weşanayene. Bi kitabanê xo “Mayoz Bolunme Hikayeleri” û “Her Dagin Golgesi Denîz’e Duşer” ameya naskerdene
Alataş, senaryoyê filmê “Min Dît” nuşt. Babeta nê filmî, gedeyêke bi destê JÎTEM’î amebî qetilkerdene, bi nê filmî Festîvalê Fîlman yê Antalya Altin portakalî de xelate girewt.
Evrîm Alataş, kanseri ver 12 nîsana 2010 de Amed de cuya xo ra bîya. Wesîyetê aye ser şaristanêko maya xo ra bîya de ameye defînkerdiş. Verê wefatkerdişê ci kitabê aye bi nameyê “Biz bu dağın çiçeğiydik” ame weşanayene.
Rayberê Şarê kurdî Abdullah Ocalan zî nuşteyanê Alateşe qiymetin vîneno û vano ganî xatirayê aye bêra cuyayene.
