Rojnameger Necla Demîr Arvas ke seba xebatanê xo yê rojnamegerîye yena muhakemekerdene, roniştişê ewilinî de veradîyaye. Mehkema serrêk û 13 aşmî ceza daye ci.
Roniştişê ewil ê dewaya rojnameger Necla Demîr Arvas ke seba xebatanê xo yê rojnamgerîye yena muhakemekerdene, Mehkemaya Cezayî Girane ya 23. ya Edlîyeya Çaglayana Stenbolî de ameye kerdene. Temsîlkarê rêxistinanê rojnamegeran û avûkatê aye roniştişî de amade bîyê. Necla Demîr û avûkatê aye roniştişî de pawitişê xo kerd û sucdarîye red kerde, waşt ke qerarê tehlîyeyî û beratî bêro dayene.
Heyetê Mehkemayî qerarê xo eşkera kerd û bi îdiaya “hetkarîya rêxistine” serrêk û 13 aşmî ceza daye ci û qerarê tehlîyeya Necla Demîr Arvas da.
