Sereştişê keyeyan de rojnameger Eylem Babayîgît ameye destbendkerdene
Tehqîqato de ke bi Serdozgerîya Îstanbulî amekerdene şewe saetanê ereyî de rojnameger Eylem Babyîgît ameye destbendkerdene. Babayîgît berde Mudirîteya Asayîşî ya Îstanbûlî.
Bi eyn tehqîqatî sereştişê keyeyan de ke 17ê çeleyî de ameyekerdene, rojnamegerî Necla Demîr, Rahîme Karvar, Ahmet Guneş, Welat Ekîn, Vedat Oruç ve Reyhan Hacioglu bi îdiaya “endamtîya rêxistine” ameyê tepiştine. Rojnamegerî bi xeber û nîqaşî ke pirograman de kerdê, ameyê sucdarkerdene. Reyna seba ke derheqê tecrîdo ke Rayberê PKK’yî Abdullah Ocalanî ser o yo qisey kerdo, ameyê sucdarkerdene.
