Roniştişê dewaya verfekê verêne ya TJA Ayşe Gokkan ke nêzdîyê 6 serrî yo girewte ya, reyna ameye taloqkerdene. Rixmo ke dozger waştişê veradayîşê Ayşe Gokkan kerdbi zî, mehkema qerarê dewamê girewtişê aye da.
Ayşe Gokkan ke nêzdîyê 6 serrî yo hepisxane de ya, hepisxaneyo girewte yê cinîyan ê Sîncanî de bi rayîrê SEGBÎS’î beşdarê roniştişê Mehkemaya Cezayanê Giranan a Amedî ya 9. de ameye kerdene. Ayşe Gokkan roniştişî de dîyar kerd muhakemekerdiş vera prosesê aştî yo.
Ayşe Gokkan ke pawitişê xo bi Kurdkî kerd, îfade kerd ke têkoşînê azadîye yê cinîyan pawena û TJA seba nê amancî xebitîyena.
Ayşe Gokkan bale ant lazimtîya piştgirîya prosesê aştî ke vengdayîşê Rayberê Şarê Kurdî Abdullah Ocalanî dest pêkerd û vat ke Tirkîya bi polîtîkayêk krîzanê xo vîyarna.
Avûkatanê aye dîyar kerd ke xebatê Ayşe Gokkan çarçewaya qanûnî de bîyê û vat ke dosya de delîlê şênberî çin ê.
Dozger waştişê veradayîşî aye kerd la mehkema qerar da ke girewtişê aye dewam bikero.
Mehkema dewa taloqê 19ê hezîrane kerd.
