Yewin roniştişê dewaya 49 kesê ke semedê beşdarbîyayîşê merasîmê cenazeya sîyasetmedara kurde Aysel Dogan Dêrsim de ameyîne muhakemekerdiş, ame organîzekerdiş. Dadgehe roniştiş semedê demêk bîn taloq kerd.
Muhakemekerdişê yewin ê dewaya ke hemverê 49 kesan bi sebebê “binpaykerdişê Qanûnê Kombîyayîş û Protestoyan” semedê beşdarbîyayîşê merasîmê cenazeya sîyasetmedara kurde Aysel Dogan ke 11ê gulana 2022ine de Almanya de wefat kerd û 14ê gulane de Dêrsim de amî definkerdiş, ame akerdiş, Dadgeha Cezaye Ya Yewine ê Dêrsimî de ame kerdiş.
‘Merasîmê cenazeye rayîrşîyayîşêk nîyo’
Avûkat Kenan Çetin dîyar kerd ke polîsan hewl dayo cenazeya Aysel Dogan biremnê û va, “Merasîmê cenaze; kombîyayîş, protesto yan zî rayîrşîyayîşêk nîyo. Semedê Waliyê Dêrsimî nêqanûnî ke serê roja cenazeye sînordar bikero. Ganî na dewa nêameyîne akerdiş. Ma beraetê muwekîlê xo wazenê.”
