Tayê roşnvîranê Sûrîye û Misirî eşkera kerd ke beşdarê kampanyaya mîyanneteweyî ya “Ez Wazena Abdullah Ocalanî bivîna” benê.
Mesajê ke keyepelî fermî yê înîsîyatîfî de weşanîya ke rayberdişê kampanya kenê, muhîmîya fikranê Rayberê Şarê Kurdî Abdullah Ocalanî têkoşînê azadîye yê Rojhelatê Mîyanênî de ameyê îfadekerdene.
Hunermendo sûrîyeyij Semîh Şîqerî fikrê Rayberê Şarê Kurdî Abdullah Ocalanî bi têkoşînê Nelson Mandela û Merwan Barhusî reyde muqayese kerdî û vat: “Felsefeyê xo yê sîyaseto demokratîk û etîkî reyde îradeyê şaran temsîl keno.”
‘Alternatîfê netewe-dewlete’
Nuştox û rojnamegerê misirî Îslam Defî zî îfade kerde ke felsefeyê neteweyê demokratîkî yê Rayberê Şarê Kurdî Abdullah Ocalanî netewe-dewlete rê alternatîf pêşkêş keno: “Bingeyê seypêyî û azadîya cinîyan ser o komelêko komunal o ke berê ci akerde yo.”
‘Modelêko newe’
Nuştoxo sûrîyeyij Nebîl El Mîlhîmî zî dîyar kerd ke Rayberê Şarê Kurdî Abdullah Ocalanî hepisxane kerdo warêko entelektuel û sey Mandela û Gandhî “bingeyê fikran û hêvîye ser o modelêko newe yê îdareyî aferna.”
2006 îmzayî
Kampanya ke Înîsîyatîfê Azadîya Rayber Abdullah Ocalanî yê Sûrîye û Înîsîyatîfê Pawitişê Abdullah Ocalanî pêşengîya ci kenê, 20ê tebaxa 2025 de dest pêkerd û heta nika 2006 îmzayî arêdayê. Zanyar, akademîsyen, sîyasetkar û serekê eşîran zî piştî danê kampanya ke dewam kena.
