Rixmê peymane û adirbestî zî Hukmato Demkî yê Surîye dorpêçê vera Kobanî dewam keno û krîzê merdimîye xorîn beno.
Rixmê munaqeşeyanê bicaardişê peymana mabênê Rayberîya Xosere ya Vakur Rojhelatê Sûrîye û Hukmatê Demkî yê Sûrîye, binpaykerdişê Şamî zî dewam kenê. Rixmê peymane û adirbestî zî dorpêçê vera Kobanî ke 500 hezar ra zêde kesî tede ciwîyenê, dewam keno. Badê hêrişanê DAIŞ û HTŞ’yî grûbanê girêdayê Tirkîyeyî awe, elektrîk û înternetê Kobanî birnayî. Şaristanî de awe û elektîrîk çin o, krîzê merdimîye roje bi roje xorînêr beno. Her çiqas hêrişî vinderte yê zî dorpêç sey metodê şerî yeno dewamkerdene.
Ganî dorpêç biameyêne wedaritene
Goreyê peymana 30ê çeleyî yê mabênê Hukmatê Demkî û Rayberîya Xosere de ganî dorpêçê vera Kobanî bi ameyêne wedaritene. Goreyê peymane hêzê Hukmatê Demkî do xo herêmanê kurdan ra peyser biantêne û peynîya dorpêçî biardêne. Heta ewro wextêko derg ser o vîyarto la Hukmatê Demkî hema zî game nêeşta. Nê têgêrayîşê keyfî yê Hukmatê Şamî benê sebebê krîzanê merdimîye û binpaykerdişê peymane û huqûqê mîyanneteweyî.
