Merkezê Cigêrayîşanê Waran (SAMER) dîyar kerd ke mabêne 1ê temmuze û 24ê teşrîna peyêne ya 2025î de 362 cinîyan dinyaya xo bedelnayî.
Merkezê Cigêrayîşanê Waran (SAMER) daneyê Bianet, JinNews, Platoformê Ma do Kiştişê Cinîyan Vindarnê, Ajansê Mezopotamyayî, Anit Sayaç û xeylê sazgehanê çapemenîye yê herêmî û neteweyî arê dayê û raporêk şîdetê cinîyan ser o weşanana.
Goreyê raporî mîyanê çar aşme û nîme de nê hedîseyî qewimîyayê:
168 cinî ameyê kiştiş
194 cinîyan bi hewayêko biguman dinyaya xo bedelnayî
247 cinî rastê şîdetê fîzîkî ameyî, birîndar bîyî
259 cinîyan rê karê seksî ame ferzkerdiş
39 cinîyan rê desteştiş bi
16 cinîyan rê tehdîd û heqaret ame kerdiş
Goreyê raporê kerdoxan bê hêriş û şîdetî zî giranî nînê zanayîş, mêrde, kesê nênas, mêrdeyê verê, merdim, babî, waşteyê verê, waşteyî bîyê.
SAMER’î dîyar kerd ke nê daneyî tena yê çapemenî de vila bîyê, ê yê, coka hûmara rastî bena ke hîna zêde biba.
