DEM Partî ya Çewligî vera çeteyê ke bi nêtê qirkerdişî hêrişê Kurdan kenê eşkerayîyê dê û va: “Ma tîya ra vanê û pawenê ke çareserîya probleman bi hêrişê çekdarî û cehdê îşxalî ney, bi muzakere, dîyalog û haştîye eşkena peyda biba.”
Şarê Çewligî seba ke nêrazîbîyayena xo ya vera çeteyê ke bi nêtê qirkerdişî hêrişê Kurdanê Rojavayî kenê bidê verê DEM Partî ya Çewligî de kom bî û hetanû Meydanê çarşî bi siloganan rayîrşîyayîş kerd. Girseye bi pankartê “Xwedî Derketina Rojava, Xwedî Derketina Mirovahîye” rayîrşîyayîşê xo kerd. Ba do Meydanê Çarşî de eşkerayîye ameyê vendene.
Eşkerayîye hetê Hemserekê DBP’yî yê Şaristanî Sevket Kalindamarî ra ame wendene. Eşkerayîye de wina ame vatene:
“Şarê ma yo erjaye û Karkerê Çapemenîye yê Erjîyayeyî,
Rojava tecrubeyêko demokratîk o ke şaran bi îradeyê seypêyî, azadî û cuya hempare awan kerda. No îradeyo ke wayûbiratîya şaran û demokrasîya herêmkî esas gêno; bi serran o hedefê polîtîkayanê şerî, cehdê îşxalî û hêrişanê sîstematîkan o.
Hêrişê ke demêk ra nat Artêşa Sûrîye û Çeteyanê Barbaran ê DAÎŞ’î vera Rojavanî dewam kenê, roj bi roje netîceyanê hîna giranan û zerarê nêeşkîyenê bêrê telafîkerdene, xo reyde anê.
Bi taybetî hêrişê ke Kobanê û Heseke ser o ameyî kerdene, reyna eşkera dîyar kerd ke şer rasterast sîvîlan hedef gêno.
Ewro Kobanê fîîlî binê dormegirewtişî de yo. Bajarî de elektrîk, awe û înternet bi temamî birîyayo, resayîşê werdanê bingeyinan û hewcedarîyanê însanîyan mumkun nîyo. Nêweşxaneyî, merkezê weşîye û xizmetê acîlî bêfonksîyon verdîyayî.
Seba şertanê dormegirewtişî tu hetkarîya însanîye nêeşkena biresa bajarî, birîndarî nêeşkenê bêrê tedawîkerdene, sîvîlî verdîyenê qederê xo.
Na rewşe, eşkera û bizanayîş polîtîkaya cezadayîşê destkewteyanê şarê kurdî yê Rojavanî ya.
Na rewşe, polîtîkaya bêvengkerdişê cuya hempare, seypêyî û azadî ya û herinda înan de zî cakerdişê yewperestîye û barbarîye ya.
Netîceyanê hêrişan de ke Rojavanî ser ameyî kerdene, reyna bi hezaran însanî ganê xo ra bîyî, şertê zimistanê cemidnayoxî de mecbur mendî ke bikewê rayîrê koçî. Na tabloya dişmenê însanîyetî mîyan de merdişê 5 domanan ke seba bêcabîyayîş, germkerdiş û hewcedarîyanê bingeyîyan cemidîyayî, rîyê raştikên ê polîtîkayanê şerî mojnayo. Nê merdişî “afatê xozayî” nîyê; netîceya dormegirewtiş, hêriş û bêvengîya îhmalkare de sûcêko eşkera yê însanîyetî yo.
Ma tîya ra vanê û pawenê ke çareserîya probleman bi hêrişê çekdarî û cehdê îşxalî ney, bi muzakere, dîyalog û haştîye eşkena peyda biba.
La vera nê cehdê îşxalî zî; ma anê vîrî ke şarê kurdî tarîxî ra heta nika vera polîtîkayanê înkar û îmhakerdişî de sereyê xo nêronayo û vera nê hêrişan de zî sereyê xo nêroneno, heta peynî xover dano!
Bijî Berxwedana Rojava!”
