Şarê Mexmûrî rayîrşîyayîşêko girsede hêrişê serê Rojavayê Kurdistanî ame şermezarkerdene û mesajê pawitena Rojavayî ame dayene. Şengal de zî bi hezaran kesan rayîrşiyayiş kerd û eşkerayîye de va ma Rojavayî bi zarok û cîwananê xo pawenîme.
Şarê Wargeha Penaberan a Şehîd Rustem Cûdî (Mexmûr) semedê 1ê Gucige Roja Piştîdayena Rojava yê Dinya rayîrşîyayîş kerd. Rayîrsîyayiş verê awanîya Sazîya Keyeyanê Şehîdan dest kerd ci û hetanû awanîya Neteweyanê Yewbîyeyan dewam kerd. Rayîrşîyayîş de bêmabê sloganê, “Bijî Serok Apo”, “Bijî berxwedana Rojava” û “Bijî berxwedana HSDê” ameyî eştene. Girseye beyraq û rengê Kurdistanî berzkerdî, posterê Rayberê Şarê Kurdî Abdullah Ocalanî berz kerdî.
Hemşaredarê Wargeha Edban Yilman serê nameyê girseye şî verê awanîya NY’e qiseykerd û silam da xoverdayişê Rojavayê Kurdistanî.
Şengal: Ma bi ciwan û gedeyanê xo Rojavayî bipawê
Şarê Şengalî bi heme sazîyan û hêzanê xo yê sîyasîyan terba çalakîya 1ê Gucige Roja Piştîdayena Rojava yê Dinya rayîrşîyayîşek kerd. Temsîlkarê komela Êzidî û Ereb, Rayberîya Xoser, YNK û TAJÊ terba çalakîye bî. Girseye verê Mektebê Zarîfe Osê (Mekteba Sor) yê merkezê Şengalî de kom bî û heya çerxeraya Yermûk a Şengalî şî. Çalakî de pankartê, “Rojava û Şengal yek e” ame berzkerdene û dowîzê, “Berxwedan jiyan e”, “Bijî yekîtî”, “Berxwedana jinê, hebûna jiyanê ye” û “Jin jiyan azadî” ameyî berzkerdene.
Alikarê Berpirsê Malbenda YNK’ê yê Şengalî Hecî Miradî qisey kerd û dîyar kerd ke ey zê heme pîyabîyayê Şengalî terba nê çalakî bîyê û wina va: “Ey seke rojanê tengan de ma ra wayîr vejîyayî ewro zî ma waşt ke hetê înan de bibim.” Serê nameya TAJÊ Riham Hesen zî da zanayene ke êşê şarê Rojavayî kur hiskenê û wina domna: “Sey komela Êzidî herkesî ra zêdeyî ma êşê Rojavayî hîs kenîme. Desthilatdarî hêrişê îradeya azade kenê.”
Serê nameyê Serekêşîranê Şengalî Hisên Xelîl’i zî qiseykerdena xo de û va: “Rojanê tengan de şarê Rojavayî ma ra wayîr vejîya. Nika sey deynê ma serê piştîya xo de vênenîme û şarê xo yê Rojavayî se beno wa bibo teyna nêverdanîme.”
