Rayberê Şarê Kurdî Abdullah Ocalanî seba vîrardişê Alî Haydar Kaytan û Riza Altunî Îmraliyî ra mesajêk erşawit û seba her di hemrayanê xo xemgînîya xo nîşan dê.
PKK’yî qerarê kongreya xo ya 12. de dîyar kerdbi ke awankerdox û pêşengê PKK’yî Alî Haydar Kaytan (Fûat) û Riza Altûnî demanê cîyayan de cuya xo vîndî kerda. Seba Kaytan û Altunî taxa Tuzluçayirî ya qezaya Mamakî ya Anqara de programê vîrardişê yeno kerdene. Rayberê Şarê Kurdî Abdullah Ocalanî seba vîrardişê Kaytan û Altunî mesajêk erşawit. Mesajê Rayberê Şarê Kurdî Abdullah Ocalanî do avûkatê buroyê huqûqî yê seserre Faîk Ozgur Erol biwano.
Abdullah Ocalanî mesajê xo de wina vat:
“Embazê erjîyayeyî,
Mi bi xemgînîyêka pîle şehadetê Alî Haydar Kaytan û Riza Altunî eşnawit.
Ez do dima seba vîramayîşê hemrayanê ma erjnayîşêko hîra bikera, nika ez wazena tena bi hurmetêko pîl waştişanê xo yê vîrardişî îfade bikera.
Cayê înan têkoşînê ma yo estbîyayîşê neteweyî û komunalîteyê demokratîkî de ebedî yo.
Ê do rolê xo paradîgmaya serdemo newe û sazgehbîyayîşê ci de sey erjê bingeyînî de heta peynî kay bikerê.
Sey nîşandayoxê rayîrî yê ebedî ma do têkoşînê xo de înan bidê ciwîyayene û do biciwîyê.
Bi nê munasebetê ez qerarî ke kongreya 12. de ameyê girewtene û mesajanê derheqê ameyoxî bi hurmet silam kena.
Abdullah Ocalan
Îmrali / Bursa
12.05.2025”
