Dayîkanê Aştî seba yadkerdişê Dayîka Aştî Sakîne Arat parka Rojava ya qezaya Peyasî mewlid da. Yadkerdişî de seba Endamê Komîteya Hemserekîye ya PYD’yî Salih Muslimî serweşîye ameye waştene.
Bi pêşengîya Dayîkanê Aştî seba vîrardişê Dayîka Aştî Sakîne Arat a ke 12ê adara 2025î de şîbî heqîya xo, Parka Rojava ya qezaya Peyas a Amedî de mewlid ame dayene. Mewlid Kona Fitarî ya Şaredarîya Peyasî de ame dayene. Dayîkê Aştî, hemserekê partîyanê sîyasî, hemşaredarê Peyasî, Parlamentera Amedî ya DEM Partî Adalet Kaya û xeylê kesî beşdarê mewlidî bîyê. Mewlidî de fotografê Sakîne Arat ame ronayene û mumî ameyê veşnayene. Destpêkê fitarî de mewlid ame wendene û dima ra endama Meclîsê Dayîkanê Aştî ya Amedî Makbule Ozbek qisey kerd.
‘Rayîrê şehîdan roşnî bo’
Dayîka Aştî Makbule Ozbek sere de Dayîka Aştî Sakîne Arat û Salih Muslim yad kerd û wina vat: “Ma nameyê Dayîkanê Aştî ser o keyeyê rê serweşîye waşt. Ma sey Dayîkê Aştî seba embaz Salih Muslim û dayîka Sakîne ameyê têhet. Oxirê înan bixeyr bo înşela, rayîrê înan roşnî bo, cayê înan cinet bo.”
