Welatîyê şariştanê Dêrikî yê Kantona Cizîre bi amanca piştîdayene nobedaranê ke pawitena şaristanî kenê 100 tene sobeyî viraştî.
Hetê ra hêrişê qirkerdene serê Rojavayî de dewam kenê, hetê ra zî çi destê kamîra yeno goreyê quveta xo piştîdayene an zî komîn seba Rojava dewam keno. Wayîrê dukanê Dîyar Ebdulqadirî Dêrike de nêzdîyê 100 sobeyî viraştî û kesê ke taxanê şaristanî pawenê înan rê pare kerd.
Dîyar Ebdulqadirî diyar kerd ke nê sobeyî şuna mazotî de pê rono kan ê erebayan xebetînê. Amancê mi aya ke nobedarê ke nê şewanê serdan de teber ra seba ma nobete gênê nê sobeyî înan germ bigê.
