Keye û Vasîsê Rayberê PKK’yî Abdullah Ocalan, seba pêvînayişî Serdozgerîya Komare ya Bursa û Mudurîya Hepisxaneyî ya Îmralîye rê muracat kerd
Rayberê PKK’yî Abdullah Ocalan, Omer Hayrî Konar, Hamîlî Yildirim û Veysî Aktaşî Hepisxaneyê Girane yê Îmraliyî de binê tecrîdî de manenê. Birayê Abdullah Ocalanî û vasîyê ey Mazlum Dînç seba ke Abdullah Ocalan reyde pêvînayişî bikerê muracatê Serdozgerîya Komare ya Bursa û Mudurîya Hepisxaneyî ya Îmraliyî kerd. Sewbîna waya Omer Hayrî Konarî, Emîne Konar; birayê Hamîlî Yildirimî, Polat Yildirim û waya Veysî Aktaşî, Melîhe Çetîn zî seba pêvînayişî muracat kerd.
Abdullah Ocalan û hepsîyanê bînan reyde pêvînayiş bi cezayê dîsîplînî yenê qedexekerdiş. 16ê Teşrîna Peyêne 2024î de heqê Abdullah Ocalanî de hewna qerarê cezaya dîsîplînî ame dayîş. Keyeyê Abdullah Ocalanî reyde tewr peynî 3ê Adare 2020î de, bi telefon zî pêvînayîş 25ê Adare 2021î de ameybî kerdiş. 23ê Teşrîna Peyêne 2024î de Wekîlê DEM Partî Omer Ocalan, Abdullah Ocalan reyde pêvînayiş kerd. Abdullah demê pêvînayişî vat ke tecrîd dewam keno.
