Keyeyê endama YJA-STAR’î Rojbîn Sonmeza ke 31ê teşrîna verêne ya 2025î de herêma Qendîlî de cuya xo vîndî kerdbî, seba kênaya xo Amed de mewlid da.
Merkezê Resnayîş û Çapemenî yê HPG’yî 4ê kanûne de eşkera kerdbi ke endama YJA-STAR’î Rojbîn Sonmez (Dilzar Rêber Andok) 31ê teşrîna verêne ya 2025î de herêma Qendîlî de demê perwerdeyî de encamê qezayêk de cuya xo vîndî kerda. Keyeyê Rojbîn Sonmez û MEBYA-DER a Amedî salonêka veyveyî ya qezaya Rêzan a Amedî de seba ke Rojbîn Sonmeze yad bikerê mewlid da. Dayîkê Aştî, aktîvîstê TJA’yî, temsîlkarê sazgehanê sîvîl ê komelkî zî tede xeylê kesî beşdarê programê yadkerdişî bîyê.
Programê yadkerdişî de ke mewlid ame wendene, seba heme kesanê ke têkoşînê aştî û demokrasî de cuya xo vîndî kerda, deqîqeyêk rêze ameye girewtene û sirûdê çerxa şorişî ameye vatene. Dima ra zî bi girseyî sloganê “Şehîd namirin” ame vatene û sînevîzyono ke behsê cuye û têkoşînê Rojbîn Sonmez kerdêne ame mojnayene.
Bi nê hewayî programê yadkerdişî qedîya.
