Siyasetmedaro Kurd Selîm Sadak qezaya Hezex a Şirnexî de ame definkerdene. Hemserekê DEM Partî Tuncer Bakirhan merasîmê cenazayê Sadakî de qisey kerd. Bakirhanî mergê sirgûnî sey kiştişêko bêveng name kerd û vat, “Kiştox dewlet a, şermê dewlete yo. Selîm Sadak şehîdê Demokrasî yo.”
Sîyasetmedaro Kurd Selîm Sadak ke 23ê çele de şaristanê Heilbronn ê Almanya de demo ke derg uca tedawî bînê wefat kerd, qezaya Hezexî yê Şirnexî de bi merasimêko girseyî ame definkerdene. Hemserekê DEM Partî Tuncer Bakirhan, Hemverfeka Kongreya Demokratîk ê Şaran (HDK) Meral Daniş Beştaş, endama Heyetê Îmrali Pervîn Buldan, sîyasetmedaro kurd Ahmet Turk, sîyasetmedara kurd Leyla Zana, Gulten Kişanak û Sebahat Tuncel, sewbîna temsîlkarê xeylê partîyanê sîyasî, rêxistinanê sivîl ê demokratîk û bi hezaran welatijî tewrê merasimî bîy.
