Cinîyan dîyar kerd ke prosesê aştîya komelî de ganî pêro cinî bibê hemkarê têkoşînî û wina vatî: “Cuyêka şîdetî ra dûr, ancax bi cuyêka ke têduştî mumkin a.”
27ê sibate de bi vengdayîşê “aştî û komelê demokratîkî” yê Rayberê Şarê Kurdî Abdullah Ocalanî, Partîya Têduştî û Demokrasî (DEM Partî) semedê “aştiya komelî” dest bi xebatan kerd.
Cinî tewrê bernameyê Hidirellezî yê Haymanayî bîy, derheqê rola cinîyan a aştîya komelî û awankerdişê aştîye de qisey kerdî.
‘Semedê aştî ganî her kes paştdayîş bidê proses’
Endama meclîsê cinîyan ê DEM Partî Fîlîz Yabasu dîyar kerd ke destpêkê pêvînayîşê aştîye de semedê proses nêro xetimnayîş û astengkerdiş, xebatanê cidî kenê û va: “Ma şayîyê Hidirellezî yê emserî dîyariyê Sirri Sureya Onder kerd. Semedê roja proses dest pêkerdo her bi hawayêko cidî xebityayîne. Barê pîlî yê na xebate cinîyan ser o. Cinîyan nê prosesî de serdayîşê keyeyan, sazgehan û bernameyê cidî kerdî. Aştî muhîm a. No welatî de bi serran o şer est o. Şer bî sebebê rijnayîş û vîndîbîyayîşê pîlan. Peynîbîyayîşê nê dişminî xeylêk muhîm o.”
‘Amancê ma o yo ke cinî prosesî de ca bigîrê’
Emîne Akyazili dîyar kerd ke 2019ine de bi Înîsîyatîfê semedê Cinîya Aştî, nika zî bi Înîsiyatîfê Lazimîya Mi bi Aştîye est ê dewam kenê û wina qal kerd: “Ma cinî hawirêk ke şîdet zêde bîyo, her roje hîrê cinî yenê qetilkerdiş de yê. Ma cinî xora têkoşîn kenê la goreyê ma semedê cuyêka azad têduştîye, aştî şert a. Komelbîyayîşê aştîye de rolê cinîyan zaf pîl o. Ma taxan de kombîyayîşan kenê. Ma keyeyan de sohbetan kenê. Semedê aştîya komelî rolê cinîyan pîl o. Ma taxan de kombîyayîşan kenê. Ma çalakîyan de veng û vatişê semedê aştîye berz kenê. Cuyêka şîdetî ra dûr, ancax bi cuyêka ke cinî têkoşîn û awankerdişî de yê mumkin bibo.”
‘Aştî muhîm a’
Ozgur Ag zî wina va: “Semedê ma cuyêka merdimayî biciwîyê, semedê pêro kultur, ziwanî rehet biciwîyê aştî zaf muhîm a. Na nokta de ganî her kes wezîfeyê xo bica bîyaro. Ma do têkoşînê xo dewam bikerê. Ganî cinî na nokta de berpirsyarîya xo bica bîyarê.”
