Heyetê Amerîka û Îranî seba muzekkereyî Îslamabad de yê, Senatorê Komarperest Lîndsey Graham bi mesajêke 3 xetê sûrî yê Amerîkayî dîyar kerd
Senatorê Komarperest yê Amerîkayî Lîndsey Graham, weşana ganî yê FOX Newsî de derheqê stratejîya newî yê Washingtanî yê vera Îranî de agahîyê muhîmî pare kerdî. Graham dîyar kerd ke Donald Trump do hîrê babetan de tu tawîzan nêdo Tehranî.
Kontrolê Neqebê Hurmuzî xeta sûr a
Lîndsey Graham dîyar kerd ke Amerîka tu wext qebûl nêkeno ke Neqebê Hurmuzî binê kontrolê Îranî de bimano. Graham wina vat: “Trump do rayîr nêdo ke Îran Neqebê Hurmuzî kontrol bikero. Na raya mîyanneteweyî ya û asayîşê aye seba ma babeta sereke ya.”
Fuzeyê balîstîk û uranyum
Senatorê Amerîkayî bale ante serê programê nukleerî û fuzeyan yê Îranî û qerardarîya Trump wina ard ziwan: “Trump do rayîr nêdo ke Îran bibo wayîrê fuzeyanê balîstîk. Sewbîna zî nêyeno qebûlkerdene ke Îran bibo wayîrê zengînkerdişê uranyûmî û Trump do na babete de game peyde nêerzo.
Mesaj seba muzekkereyanê Îslamabadî yo
Nê mesajê Grahamî prosesê muzekkereyan ke îslamabad de yenê kerdene ameyê dayene. Pisporî vanê ke no mesaj sey “ xeta sûr ê” yê Washingtonî yo û no dano mojnayene ke Îran nê 3 madeyan de apey game nêerzo, beno ke adirbest demkilm bo.
