Kemal Gomî nê 32 serrê ke hepisxaneyî de yo û Gomî seba nêweşîya şîzofrenî ser o êdî hepisxane sey keyeyê xo dîyeno. Gomî ser o AÎHMî bi qerarê xo Tirkîya mehkûm kerd Nika seba serbestmendişê Kemal Gomîyî ser hesabê X’î tagê “#KemalGömiİçinAdalet” destpê kerd.
Kemal Gomî serra 1993î de demo ke wendekarê Zanîngehê Teknîkî yê Îstanbulî de wendî, doz û dewaya Dev-Sol’î ser o ame hespkerdêne. Mabenê serrê 1996 û 2000î de çalakîyê grava vêşanî û rojeyê mergî ra beşdar bî. Serra 2003î ra pey laşê ey de problemê ci yê weşîye destpê kerdê. Peynîya Qirkerdişê 19 Kanûne bêmîyan 10 serrê mabenê nêweşxane û hepixaneyî şî û ame.
Nêweşxaneyê Bakirkoyî ra demêk mend. ATK heqê ci de nêweşîya “Rezîduel Şîzofrenî” rona û raporê xo de va ke na nêweşî, nêweşîyêka nêçare ya. Çi heyfo ke serra 2010î de no dem Serekkomar Abdullah Gul, Kemal Gomî efû nêkerd. ATK nêzdî 12 ray heqê Kemal Gomîyî de teşhîsê nêweşîya şîzofrenî rona la belê balkêş o, serra 2013î de raporê xo bedilna û va ke eşkeno hepisxaneyî de bimano.
2015î de waya Kemal Gomî, Hîlal Koseye vatbî ke Kemal êdî hepisxane sey keyeyê xo dîyeno. Avûkatê ci serra 2011î de muracaetê AÎHM kerd û serra 2019î de AÎHMî zî bi qerarê xo Tirkîya mehkûm kerd û wa ganî Kemal Gomî bêro serbestmendêne.
Gruba Praksî seba Kemal Gomî deyîrêk viraşt û vatişê deyîre wina yê;
Kara bir odada
Zebur hep başımda
Canım sıkılıyor
Of, of, of
Sabah, öğlen, akşam
İnvega solian
Ben miyim şizofren, duvarlar mı?
Bu kör dehliz sonsuz bir labirent
Sözümü doğrudan saklar…
Nika seba serbestmendişê Kemal Gomîyî ser hesabê X’î tagê “#KemalGömiİçinAdalet” destpê kerd.
